From Wikipedia, the free encyclopedia
اورن برگ مسلم روحانی اسمبلی ( روسی: Оренбургское магометанское духовное собрание ) روسی سلطنت میں ایک ریاستی کنٹرول شدہ مذہبی انتظامیہ تھی جسے سائبیریا ، وولگا اورال خطہ اور قازقستان سمیت وسطی ایشیاء کے کچھ حصوں میں اسلامی سرگرمیوں کے محدود اور متعین معاملات پراختیار حاصل تھا۔ یہ روسی ملکہ کیتھرین ثانی کے حکم سے 1788 میں قائم کیا گیا تھا۔
1860کی دہائی میں قازقستان کو مجلس کے دائرہ اختیار سے ہٹا دیا گیا تھا جس کی وجہ قازقوں پر تاتاری اثر و رسوخ میں کمی لانے کی پالیسی تھی۔ [1]
مجلس میں مرکزی مقام مفتی کا تھا ، جس کے تحت 5 یا 6 قاضی تھے۔
1788 دستاویزات (جس کی رو سے مجلس قائم کی گئی )میں مفتی کا عہدہ شامل کیا گیا، تاہم نہ تو اس کی معاشرتی حیثیت اور نہ اس کے اختیارات کا دائرہ کار واضح کیا گیا ۔ [2] پہلے مفتی ، محمد جان حسینوف نے ، روسی آرتھوڈوکس چرچ کے پادری(بشپ اعظم) کے برابر حیثیت دینے کا مطالبہ کرتے ہوئے ، فوری طور پر مزید اختیارات کے لیے زور دینا شروع کیا۔ انھوں نے سینٹ پیٹرزبرگ میں کیتھرین ثانی کے ساتھ متعدد بار ملاقات کی اور خود کو وولگا اورال خطے میں ایک اہم سیاسی شخصیت کے طور پر سمجھنے لگے۔ اس نے مقامی روسی منتظمین کو پریشان کر دیا ، جنھوں نے پرنس الیگزینڈر بیزبورڈکو سے حسینوف کے اثر و رسوخ کو محدود کرنے اور اسے اپنے زیر اقتدار رکھنے کی درخواست کی جن کی انھیں اجازت مل گئی۔ اس کے بعد مقامی حکام نے حکم جاری کیا: "ان کا [مفتیوں کا] فرض ہے کہ وہ مذہبی معاملات کو چلائیں اور سیکولر معاملات سے دور رہیں، سوائے اس کے کہ جب انتظامیہ اسے ان کے استعمال کرنے کے لیے مناسب سمجھے"۔ [3]
1802 کے ایک حکمنامے کے مطابق مفتی اپنے نائبین کی رضامندی کے بغیر کوئی فیصلہ نہیں کرسکتے تھے ، تاہم اس کی پیروی شاذ و نادر ہی حسینوف نے کی۔ پہلا مفتی مسلسل قانونی مقدموں اور رشوت، دھاندلی اور نماز کی پیروی کرنے میں ناکامی کی شکایات میں گھرا رہا ۔ اگرچہ شہنشاہ الیگزینڈر اول نے حسینوف کی حمایت کے لیے ایک خط بھیجا تھا اور در حقیقت اسے قانونی استثنیٰ بھی دے دیا تھا ، لیکن حسینوف کے اقتدار سے ناجائز استعمال کے الزامات اس کے دور میں اس پر لگتے رہے۔ [4]
اسمبلی مفتی [5] | |
---|---|
تاریخ | نام |
ستمبر 22 ، 1788 - 17 جولائی ، 1824 | محمد جان حسینوف |
ستمبر 30 ، 1825 - 31 جنوری ، 1840 | عبد السلام عبدرحیموف |
10 جون 1840 ء - 4 اگست 1862 ء | عبد الواحد سلیمانوف |
28 اپریل ، 1865 ء - 2 جنوری ، 1885 | سلیم
گیرے توکلوف |
2 جنوری ، 1886ء - 15 اگست ، 1915 | محمد- یار سلطانوف |
28 جولائی ، 1915 - 22 مارچ ، 1917 | محمد -صفا بایزید وف |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.