swaminarayan sampraday کے بانی From Wikipedia, the free encyclopedia
سوامی ناراین (3 اپریل 1781 – 1 جون 1830) یا سہجانند سوامی، ایک یوگی اور تارک الدنیا شخص تھے جن کی تعلیمات کے ذریعے ہندوؤں کے مرکزی عقائد دھرم،[2] اہنسا[3][4] اور برہماچاریہ دوبارہ رواج پائے۔[2] سوامی ناراین کے پیروکار ان کو بھگوان کا اوتار سمجھتے ہیں۔[5][6]
سوامی ناراین کا پیدائشی نام گھن شیام پانڈے تھا، وہ سنہ 1781ء کو چھپیہ، اتر پردیش، ہند میں پیدا ہوئے۔ سنہ 1792ء کو 11 سال کی عمر میں انھوں نے بھارت کی سات سالہ یاترا کا آغاز کیا اور ”نیل کنٹھ ورنی“ کا نام اپنایا۔ اس یاترا کے دوران میں انھوں نے فلاح و بہبود کا کام کیا اور لگ بھگ سنہ 1799ء کو یاترا کے 9 سال اور 11 ماہ بعد وہ ریاست گجرات میں بس گئے۔ سنہ 1800ء کو وہ اپنے گرو سوامی رامانند کے اودھو سمپردائے میں شامل ہو گئے اور ان کو گرو ن ”سہجانند سوامی“ کا نام دیا۔ سنہ 1802ء میں سوامی ناراین کے گرو نے اپنی وفات سے قبل اودھو سمپردائے کی قیادت ان کو سونپ دی۔ سہجانند سوامی ایک جماعت اکھٹا کر کے انھیں سوامی ناراین منتر سکھاتے تھے۔ اسی وجہ سے وہ ”سوامی ناراین“ مشہور ہو گئے۔ اور اودھو سمپردائے کا نام ”سوامی ناراین سمپردائے“ مشہور ہو گیا۔
سوامی ناراین نے برطانوی راج کے ساتھ اچھے تعلقات قائم کیے تھے۔[7][8] ان کے نہ صرف مختلف مکاتب فکر کے ہندو پیروکار تھے بلکہ کچھ مسلمان اور زرتشتی بھی ان کے پیروکار تھے۔ اپنی زندگی کے عرصے میں انھوں نے چھ مندر قائم کیے[9] اور اپنے فلسفے کی تبلیغ کے لیے 500 پرم ہنس مامور کیے۔[10] سنہ 1826ء میں سوامی ناراین نے ایک سماجی اصولوں کی کتاب ”شکشا پتری“ تحریر کی۔[11] انھوں نے 1 جون 1830ء کو گدھادا، گجرات میں وفات پائی اور ہندو رسوم کے تحت ان کا انتم سنسکار ہوا اور ان کی راکھ کو جھیل میں بہا دیا گیا۔ سوامی ناراین نے اپنی سے قبل اپنے دو سوتیلے بھتیجوں کو بطور آچاریہ مامور کیا تاکہ وہ سوامی ناراین سمپردائے (فرقے) کے علاقوں کی سربراہی کریں۔ سوامی ناراین خواتین[12] اور غریب،[13] کی اصلاح اور یگیوں (آگ کی قربانیوں) کو بڑے پیمانے پر کرنے کا بیڑا اٹھانے کے لیے سوامی ناراین سمپردائے (سوامی ناراین فرقہ) میں یاد کیے جاتے ہیں۔[7]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.