مزمن مسدودی پھیپھڑی مرض
From Wikipedia, the free encyclopedia
مزمن مسدودی پھیپڑی مرض جیسا کہ نام سے ظاہر ہے کہ ایک ایسا مرض (امراض) ہوتا ہے جس میں پھیپڑوں میں ہوا کے گذر کی راہیں مسدود ہوجاتی ہیں یا ان میں رکاوٹ آجاتی ہے اور یہ رکاوٹ یا انسداد (اس بیماری میں) عارضی یا وقتی یا نیا نہیں ہوتا بلکہ عرصے سے چلا آ رہا ہوتا ہے اور پرانا ہوتا ہے اسی لیے اس کو مزمن یعنی chronic کہا جاتا ہے۔ انگریزی میں اس مرض کو Chronic obstructive pulmonary disease کہتے ہیں اور اس کا اختصار COPD اختیار کیا جاتا ہے۔ یہ کوئی ایک جداگانہ یا منفرد مرض نہیں ہے بلکہ یوں کہنا بہتر ہوگا کہ یہ ایک کیفیت ہے کہ جو متعدد پھیپڑی امراض میں واقع ہو سکتی ہے جن میں قصباتس (bronchitis) اور نفخ (emphysema) وغیرہ قابل ذکر ہیں۔