شامی محدث From Wikipedia, the free encyclopedia
نور الدین عتر بن محمد بن حسن بن عتر (1937ء-2020ء) محدث شام اور فقیہ تھے۔ آپ کا سلسلہ نسب حسن بن علی المرتضیٰ تک پہنچتا ہے آپ کے شیخ عبد اللہ الحماد نے آپ کو "اصیل الجدین" کہا کرتے تھے جس کا مطلب یہ ہے کہ والد اور والدہ کی طرف سے آپ کا سلسلہ محمد بن عبد اللہ پیغمبر اسلام کی طرف متصل ہے۔ چونکہ نور الدین عتر پیغمبر اسلام محمد بن عبد اللہ کی آل و اولاد سے ہیں اور اولاد کو عربی میں "عِتْر" کہا جاتا ہے تو عتر کے لقب سے ملقب ہوئے۔
امام | |
---|---|
نور الدین عتر | |
(عربی میں: نُورُ الدين عتر الحُسيني) | |
معلومات شخصیت | |
پیدائش | 28 اپریل 1937ء حلب |
وفات | 23 ستمبر 2020ء (83 سال)[1] دمشق |
شہریت | جمہوریہ شام (1937–1958) متحدہ عرب جمہوریہ (1958–1961) سوریہ (1961–2020) |
عملی زندگی | |
مادر علمی | جامعہ الازہر (–1964) |
تعلیمی اسناد | ڈاکٹریٹ |
پیشہ | محدث ، عالم ، فقیہ ، استاد جامعہ |
پیشہ ورانہ زبان | عربی |
ملازمت | جامعہ اسلامیہ، مدینہ منورہ |
درستی - ترمیم |
نور الدین عتر شام کے شہر حلب میں بروز بدھ 17 صفر المظفر 1356ھ بمطابق 28 اپریل 1937ء کو پیدا ہوئے۔ آپ کی ولادت حلب کے محلہ بسان میں ہوئی یہ فصیلہ اور باب نیراب کے درمیان میں واقع ہے یہ محلہ بستان علم کے لحاظ سے مشہور ہے حتیٰ کہ اس محلہ کا نام حارة الدین و الایمان ہے اور بعض نام ور علما کی نسبت بھی اس محلہ کی طرف کی جاتی ہے۔ آپ کا خاندان بلاد شام میں تحقیق و تألیف کے ذریعے علوم اسلامیہ کو پھیلانے میں مصروف عمل تھا۔ اس خاندان سے تعلق رکھنے والے علما میں آپ کے دادا شیخ محمد نجیب اور آپ کے ماموں شیخ محدث عبد اللّٰہ سراج الدین کے نام سرِ فہرست ہیں۔ آپ نے ثانویہ شرعیہ شام میں جاری رکھا ثانوی تک پھر 1954ء میں مزید کلیہ شرعیہ کی تعلیم حاصل کرنے کے لیے جامعہ ازھر مصر چلے گئے اور وہیں پڑھتے رہے یہاں تک کہ 1958ء میں اول پوزیشن کے ساتھ جامعہ ازہر سے فارغ التحصیل ہوئے پھر آپ واپس حلب آگئے اور تدریس کا سلسلہ جاری رکھا اسی دوران میں آپ دوبارہ جامعہ ازہر چلے گئے کہ شعبہ تفسیر اور حدیث میں دراسات کو مکمل کریں 1964ء میں آپ نے جامعہ ازہر سے شہادت العالمیہ شعبہ حدیث میں ممتاز حیثیت سے مکمل کیا بعد ازاں اسی جامعہ دمشق استاذ علوم القرآن و الحدیث کے درجہ پر مقرر ہوئے۔
شیخ نور الدین عتر نے بلادِ اسلامیہ میں علم کی خاطر سفر بھی کیے جیسے متحدہ عرب امارات، کویت، عرب، بھارت، ترکی، اردن، الجزائر اسی طرح آپ کا معمول تھا کہ مختلف ممالک میں جا کر دُروس کو جاری رکھتے۔
شیخ نور الدین عتر نے علامہ عبد اللّٰہ سراج الدین کی بیٹی سے نکاح کیا جس سے آپ کے یہاں اولاد ہوئی جن میں 3 بیٹے اور 1 بیٹی شامل ہیں جن کے نام یہ ہیں: محمد مجاھد، عبد الرحیم، یحییٰ، راویہ۔
شیخ نور الدین عتر نے کثیر تصانیف وتالیفات پر کام کیا ہے جن کی تعداد 50 (پچاس) سے زائد ہیں آپ کی تحقیق و تآلیف و تصانیف پانچ اقسام کی ہیں
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.