وسیم اکرم
From Wikipedia, the free encyclopedia
سانچہ:خانۂ کرکٹ کھلاڑی
اس مضمون میں کسی قابل تصدیق ماخذ کا حوالہ درج نہیں ہے۔ |
وسیم اکرم (پیدائش: 3 جون 1966ء لاہور،پنجاب)۔ایک پاکستانی کرکٹ مبصر، کوچ اور سابق کرکٹ کھلاڑی اور پاکستان کی قومی کرکٹ ٹیم کے کپتان ہیں۔ وسیم اکرم کو بڑے پیمانے پر اب تک کے عظیم ترین فاسٹ باؤلرز میں شمار کیا جاتا ہے اور کئی ناقدین انھیں کرکٹ کی تاریخ کا سب سے اہم بائیں ہاتھ کا فاسٹ باؤلر مانتے ہیں۔ اکتوبر 2013ء میں، وسیم اکرم واحد پاکستانی کرکٹ کھلاڑی بنے جنہیں ورلڈ الیون وزڈن کرکٹرز المانک کی 150ویں سالگرہ کے موقع پر ہمہ وقتی ٹیسٹ میں نامزد کیا گیا تھا۔وسیم الرم پاکستان کے ایسے مایہ ناز گیند باز تھے جو بائیں ہاتھ سے گیند بازی کرنے والے دنیا کے سب سے بہتر گیند باز مانے جاتے ہیں۔ وسیم اکرم کو یہ اعزاز حاصل ہے کہ وہ ایک روزہ کرکٹ میں 500 سے زیادہ وکٹیں لینے والے پہلے کھلاڑی ہیں۔ انھوں نے 356 ایک روزہ میچوں میں 502 وکٹیں لیں۔ کرکٹ سے ریٹائرمنٹ کے بعد وسیم اکرم کرکٹ کمنٹری کے شعبے کو اپنایا کرتے ہیں۔ انھوں نے انڈین پریمئیر لیگ میں شاہ رخ خان کی ٹیم کولکتہ نائٹ رائیڈر کے باولنگ کوچ کی حثیت سے بھی اپنے فرائض ادا کیے۔کرکٹ میں انھیں وقار یونس کے ساتھ مل کر کرکٹ کے میدانوں پر دھوم مچانے کے باعث دو ڈبلیوز کے نام سے جانا گیا انھوں نے ماڈلنگ بھی کی ہاکستان کرکٹ بورڈ کی دی گئی سلیکشن اور کوچنگ کی مختلف ذمہ داریوں سے بھی عہدہ برا ہوتے رہے وسیم اکرم نے پاکستان کے ساتھ ساتھ ہمپشائر کاونٹی، لاہور، لنکاشاِئر،پاکستان آٹوموبائلز کارپوریشن،پاکستان انٹرنیشنل ائیر لائنز کی طرف سے کرکٹ کھیلی اور ہر جگہ اپنی مہارت کا مظاہرہ سامنے آیا۔وسیم اکرم کے والد چوہدری محمد اکرم کا تعلق امرتسر کے قریب ایک گاؤں سے تھا، جو 1947ء میں تقسیم ہند کے بعد پاکستانی پنجاب کے علاقے کامونکی چلے آئے تھے۔ وسیم اکرم نے گورنمنٹ اسلامیہ کالج، سول لائنز، لاہور سے اپنی تعلیم مکمل کی۔