آشا بھوسلے
بھارتی گائیکہ (پیدائش 1933) From Wikipedia, the free encyclopedia
Remove ads
آشا بھوسلے اردو فلموں کی مشہور و معروف گلوکارہ ہیں۔ وہ مشہور گلوکارہ لتا منگیشکر کی چھوٹی بہن ہیں۔ اردو کے علاوہ انھوں نے 20 بھارتی و غیر ملکی زبانوں میں نغمہ سرائی کی۔ وہ اب تک 12000 سے زیادہ گیت گا چکی ہیں۔
Remove ads
پیدائش
آشا بھوسلے 8 ستمبر1933ء کو سانگلی بمبئی میں پیدا ہوئیں۔ آشا بھوسلے کے والد دِینا ناتھ منگیشکر تھیٹر کے اداکار اور گلوکار بھی تھے۔ 1942ء میں جب اُن کی عمر 9 سال تھی تو والد دِینا ناتھ منگیشکر کا انتقال ہو گیا۔ والد کے انتقال کے بعد خاندان پونے سے کولہاپور اور بعد ازاں بمبئی منتقل ہو گیا۔ بمبئی منتقلی کے بعد اپنی بہن لتا منگیشکر کے ساتھ گلوکاری جاری رکھی۔ آشا بھوسلے نے پہلا گانا 1943ء میں 10 سال کی عمر میں گایا جو (چلا چلا نَو بھلا) تھا یہ گانا ایک مراٹھی فلم مجھا بَل کا گانا تھا اور اس کی موسیقی دَتہ شنکر دَیو جے کار نے مرتب کی تھی۔ 1948ء میں ساون آیا گانا مقبول ہوا اور 1949ء میں رات کی رانی کے گانے ریکارڈ کروائے۔
Remove ads
ازدواجی زندگی
1949ء میں گنپت راو بھوسلے سے شادی کرلی جو لتا منگیشکر کے ذاتی سیکرٹری تھے۔ بدقسمتی سے یہ شادی ناکام ہو گئی۔
گلوکاری
آشا بھوسلے کی مقبولیت اُس وقت ہوئی جب1954ء میں راج کپور نے انھیں فلم بوٹ پالش کا ایک گانا ننھے مُنے بچے کے لیے سائن کیا یہ گاناآشا بھوسلے نے محمد رفیع کے ساتھ گایا جِس نے انھیں شہرت کی سیڑھی چڑھایا۔ موسیقار او پی نیئر نے 1956ء میں سی آئی ڈی کے لیے آشا بھوسلے کو سائن کیا۔ بی آر چوپڑا نے 1957ء میں فلم نیا دور کے لیے سائن کیااِس فلم کے تمام گانے ساحر لُدھیانوی کے لکھے ہوئے تھے۔ 1957ء میں نیا دور ایک پہلی فلم تھی جِس کے تمام گانے آشا بھوسلے کو دیے گئے تھے اور اِس فلم کی ہیروئن ویجنتی مالا تھیں۔
حوالہ جات
Wikiwand - on
Seamless Wikipedia browsing. On steroids.
Remove ads