صحابی کی صحبت پانے والا مسلمان From Wikipedia, the free encyclopedia
تابعی کی جمع تابعین ہے ایمان کی حالت میں صحابی کی ملاقات کرنے اور اسی ایمان کے ساتھ فوت ہونے والے کو تابعی کہتے ہیں۔
وہ شخص جس نے بحالت ایمان کم از کم ایک صحابی رسول سے استفادہ کیا ہو اور ایمان کی حالت میں مر گیا ہو۔ اور خاص کراسے تابعی کہتے ہیں جس نے کوئی دینی بات صحابی سے روایت کی ہو۔[1]
تابعی وہ ہے جس نے صحابی سے ملاقات کی ہو، مذکورہ تین شرطوں کے ساتھ، یعنی:
اللہ نے اس آیت میں تابعین کی یوں تعریف کی ہے :::وَ السّٰبِقُوۡنَ الۡاَوَّلُوۡنَ مِنَ الۡمُہٰجِرِیۡنَ وَ الۡاَنۡصَارِ وَ الَّذِیۡنَ اتَّبَعُوۡہُمۡ بِاِحۡسَانٍ ۙ رَّضِیَ اللّٰہُ عَنۡہُمۡ وَ رَضُوۡا عَنۡہُ وَ اَعَدَّ لَہُمۡ جَنّٰتٍ تَجۡرِیۡ تَحۡتَہَا الۡاَنۡہٰرُ خٰلِدِیۡنَ فِیۡہَاۤ اَبَدًا ؕذٰلِکَ الۡفَوۡزُ الۡعَظِیۡمُ ﴿٩:١٠٠)؛ جن لوگوں نے سبقت کی یعنی سب سے پہلے ایمان لائے مہاجرین میں سے بھی اور انصار میں سے بھی اور جنھوں نے نیکوکاری کے ساتھ ان کی پیروی کی اللہ ان سے خوش ہے اور وہ اللہ سے خوش ہیں اور اس نے ان کے لیے باغات تیار کیے ہیں جن کے نیچے نہریں بہ رہی ہیں وہ ہمیشہ ان میں رہیں گے۔ یہی بڑی کامیابی ہے۔
جابر بن عبد الله (رضی الله عنہ) کہتے ہیں کہ میں نے نبی صلی الله علیہ وسلم کو یہ کہتے سنا کہ ایسے مسلمان کو دوزخ کی آگ نہیں چھو سکے گی جس نے مجھے دیکھا ہو یا اسے دیکھا ہو جس نے مجھے دیکھا.[3]
بہترین زمانہ میرا ہے پھر ان لوگوں کا جو اُن سے متصل ہوں گے۔ پھر ان لوگوں کا جو ان سے متصل ہوں گے۔[4] اس حدیث کے مطابق ان لوگوں کو تین درجوں میں تقسیم کیا گیا ہے۔
سب سے افضل تابعی اہل بیت کے بعد اويس القرنى اور ان کے بعد سات فقہائے مدینہ اور عورتوں میں حفصہ بنت سیرین، عمرہ بنت عبد الرحمن اورأم الدرداء الصغرى پہلا تابعی جو فوت ہوا: وہ ابو زيد معمر بن زيد قتل ہوئے خراسان 30ھ میں اور آخری تابعی جو فوت ہوئے وہ خلف بن خلیفہ تھے جو 181ھ میں سو سال سے زیادہ عمر میں وفات پائی۔[5] اس کے علاوہ نعمان بن ثابت المعروف امام اعظم حضرت امام ابو حنیفہ بھی مشہور تابعی ہیں، جنھوں نے 72 صحابہ کرام سے ملاقات کی۔[حوالہ درکار]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.