From Wikipedia, the free encyclopedia
خادم الحرمین الشریفین (Custodian of the Two Holy Mosques) (عربی: خادم الحرمين الشريفين) ایک صالح شاہی لقب ہے جسے بہت سے مسلم حکمرانوں نے استعمال کیا ہے بشمول ایوبی خاندان، مملوک سلاطین مصر، سلاطین عثمانی اور موجودہ دور کے شاہانِ سعودی عرب۔ خادم الحرمین شریفین کے معنی "دو مقدس حرم ( مسجد الحرام اور مسجد نبوی) کے خادم" کے ہیں۔
تاریخی طور پر کہا جاتا ہے کہ سب سے پہلی مرتبہ اس لقب کا استعمال صلاح الدین ایوبی کے لیے کیا گیا تھا۔[1] اس کے بعد مملوک حکمرانوں کو شکست دینے کے بعد عثمانیوں نے مکہ اور مدینہ فتح کیا تو سلطان سلیم اول نے یہ لقب اپنایا۔ سلیم اول کے بعد محمد وحید الدین (جو سلطنت عثمانیہ کے آخری سلطان تھے) تک تمام عثمانی سلطانوں کے لیے یہ لقب استعمال کیا گیا۔ سعودی عرب کے فرمانرواؤں میں سب سے پہلے شاہ فہد بن عبدالعزیز نے یہ لقب 1986ء میں اپنایا۔ اس سے پہلے سعودی بادشاہوں کے لیے صاحبِ جلال کا لفظ استعمال کیا جاتا تھا جسے شاہ فہد نے تبدیل کرا کر خادم الحرمین شریفین کر دیا۔ شاہ فہد کی وفات کے بعد شاہ عبداللہ بن عبدالعزیز اور شاہ سلمان بن عبد العزیز آل سعود نے بھی یہی لقب اپنایا۔
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.