ویکیپیڈیا:ہدایات و حکمت عملیاں
ویکیمیڈیا منصوبہ صفحہ / From Wikipedia, the free encyclopedia
ویکیپیڈیا ایک مشترکہ منصوبہ ہے، اس کے بانیان اور مشارکین کا ہدف بھی مشترک ہے:
ویکیپیڈیا کے ذریعہ ہمارا ہدف ایک آزاد اور قابل اعتماد دائرۃ المعارف کی تیاری ہے، بلکہ ہم تاریخ انسانی کا سب سے بڑا دائرۃ المعارف تیار کرنا چاہتے ہیں جو حجم اور گہرائی وگیرائی ہر لحاظ سے ممتاز ہو۔
ویکیپیڈیا میں کچھ اصول اور حکمت عملیاں متعین کی گئی ہیں تاکہ تحریر و تدوین اور مشترکہ ہدف تک پہونچنا آسان ہو۔ ان میں بعض حکمت عملیاں اور اصول زیر ترتیب ہیں؛ جبکہ دیگر اصول و حکمت عملیاں عرصہ دراز سے متعین ہیں اور ان کے حوالے سے ابھی تک کوئی قابل ذکر اعتراض سامنے نہیں آیا ہے۔ گرچہ یہ حکمت عملیاں مسلسل ترقی پزیر ہیں، لیکن ویکیپیڈیا صارفین کا خیال ہے کہ اصول وضوابط کو اس طرز پر تحریری شکل دینا کہ تمام پہلوؤں کا احاطہ ہو جائے خاصا مشکل کام ہے۔
جو صارفین حسن نیت کے ساتھ، شائستگی برقرار رکھتے ہوئے، عمومی اتفاق کے جلو میں ایک غیر جانبدار دائرۃ المعارف کی تیاری میں کوشاں ہیں، انہیں لازماً یہاں آفریں اور خوش آمدید کا ماحول نصیب ہوگا۔