نوری سال
From Wikipedia, the free encyclopedia
ایک نوری سال وہ فاصلہ ہے جو روشنی ایک سال میں طے کرتی ہے۔ اسے انگریزی میں light-year کہا جاتا ہے جس کے مخفف ly کو اس کی علامت کے طور پر استعمال کیا جاتا ہے۔ مختلف پیمائشی نظاموں کی اکائیوں میں یہ فاصلہ ذیل میں ہے:
- 1510 × 9.4607304725808 میٹر (قریبا 9.461 پیٹا میٹر)
- 1210 × 5.878625373183 + 1397/849 (قریبا 60 کھرب) میل
- 63241.077 فلکیاتی اکائیات
اس فاصلے کی مزید واضح تعریف اس طرح ہے: وہ فاصلہ جو ایک نوریہ (فوٹان photon) آزاد خلا میں کسی بھی ثقلی یا مقناطیسی میدان سے لامتناہی فاصلہ پرایک جولیئن (86400 دقیقوں کے 365.25 دن) میں طے کرے۔ نوری سال کو اکثر ستاروں سے زمین کے فاصلے کی پیمائش کے لیے استعمال کیا جاتا ہے: یعنی نوری سال وقت کی اکائی نہیں ہے۔ فلکیات میں فاصلوں کی پیمائش کے لیے پارسیک (parsec) کی اکائی استعمال ہوتی ہے۔ ایک پارسیک تقریبا 3.26 نوری سال کے برابر ہے۔ علمی مقاصد کے لیے پارسیک کو زیادہ ترجیح دی جاتی ہے کیونکہ مشاہداتی مواد (data) سے باہمی تقابل کی مدد سے اس کو آسانی سے اخذ کیا جا سکتا ہے۔ تاہم علمی حلقوں سے باہر عام لوگ نوری سال کو زیادہ استعمال کرتے ہیں۔ نوری سال سے منسوب دوسری اکائیاں نوری ثانیہ اور نوری دقیقہ ہیں جو وہ فاصلہ ہے جو روشنی خلا میں بالترتیب ایک ثانیہ (منٹ) اور ایک دقیقہ (سیکنڈ) میں طے کرتی ہے۔ ایک نوری ثانیہ 17,987,547,480 میٹر کے برابر ہے۔ چونکہ روشنی ایک دقیقہ میں 299,792,458 میٹر طے کرتی ہے اس لیے ایک نوری دقیقہ میں 299,792,458 میٹر ہیں۔