کرکٹ عالمی کپ 1975ء
From Wikipedia, the free encyclopedia
کرکٹ کا پہلا عالمی کپ جون 1975ء میں انگلستان میں کھیلا گیا۔ اپنی طرز کے اس پہلے عالمی کپ کا اعزاز ویسٹ انڈیز کرکٹ ٹیم نے جیتا۔ 1975ء کے اس پہلے کرکٹ عالمی کپ کو (باضابطہ طور پر پروڈینشل کپ '75 کہا جاتا ہے) یہ مردوں کا کرکٹ کا افتتاحی عالمی کپ تھا اور ایک روزہ بین الاقوامی کرکٹ کی تاریخ کا پہلا بڑا ٹورنامنٹ تھا۔انٹرنیشنل کرکٹ کانفرنس کے زیر اہتمام یہ 7 جون سے 21 جون 1975ء کے درمیان انگلینڈ میں منعقد ہوا۔ اس ٹورنامنٹ کو پروڈینشل ایشورنس نامی کمپنی نے سپانسر کیا تھا اور اس میں شرکت کرنے والے 8 ممالک تھے اس وقت کی 6 ٹیسٹ کھیلنے والی ٹیمیں آسٹریلیا، انگلینڈ، بھارت، نیوزی لینڈ، پاکستان، ویسٹ انڈیز اور اس وقت کے دو سرکردہ ایسوسی ایٹ ممالک سری لنکا اور مشرقی افریقہ۔ ٹیموں کو چار، چار کے دو گروپوں میں تقسیم کیا گیا تھا، ہر ٹیم اپنے گروپ میں ایک دوسرے سے کھیلی۔ ہر گروپ سے سرفہرست دو ٹیموں نے سیمی فائنل کے لیے کوالیفائی کیا، ان میچوں کے فاتح فائنل میں ملے۔ ہر میچ 60 اوورز فی ٹیم پر مشتمل تھا اور روایتی سفید لباس اور سرخ گیندوں کے ساتھ کھیلا گیا۔ انگلینڈ میں موسم کے سبب سب کھیلے گئے میچ دن کی روشنی میں ختم ہوئے۔ انگلینڈ اور نیوزی لینڈ گروپ اے میں سرفہرست رہے جبکہ ویسٹ انڈیز اور آسٹریلیا گروپ بی سے نمایاں رہے انہی چار ٹیموں نے سیمی فائنل کے لیے کوالیفائی کیا۔ آسٹریلیا نے انگلینڈ جبکہ ویسٹ انڈیز نے نیوزی لینڈ کو شکست دے کر فائنل تک رسائی حاصل کی، ویسٹ انڈیز جو فیورٹ کے طور پر ٹورنامنٹ میں آیا تھا، لارڈز پر منعقدہ فائنل میں آسٹریلیا کو 17 رنز سے شکست دے کر پہلا عالمی کپ جیتنے والا ملک بن گیا۔ نیوزی لینڈ کے بلے باز گلین ٹرنر 333 رنز کے ساتھ ٹورنامنٹ میں سب سے زیادہ رنز بنانے والے کھلاڑی رہے جبکہ آسٹریلوی گیند باز گیری گلمور 11 وکٹیں لے کر ٹاپ باولر بنے۔
تاریخ | 7 جون – 21 جون |
---|---|
منتظم | انٹرنیشنل کرکٹ کونسل |
کرکٹ طرز | ایک روزہ بین الاقوامی |
ٹورنامنٹ طرز | راؤنڈ روبن اور ناک آؤٹ |
میزبان | انگلستان |
فاتح | ویسٹ انڈیز کرکٹ بورڈ (1 بار) |
شریک ٹیمیں | 8 |
کل مقابلے | 15 |
تماشائی | 158,000 (10,533 فی میچ) |
کثیر رنز | گلین ٹرنر (333) |
کثیر وکٹیں | گیری گلمور (11) |
1979 ← |