![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/d7/Face_detail%252C_Aurangzeb_Bahadur_holding_an_iris_%25286124502565%2529_%2528cropped%2529.jpg/640px-Face_detail%252C_Aurangzeb_Bahadur_holding_an_iris_%25286124502565%2529_%2528cropped%2529.jpg&w=640&q=50)
Avrangzeb
From Wikipedia, the free encyclopedia
Avrangzeb, Olamgir (asl ismi Muhyiddin Muhammad) (1618–1707-yil mart, Ahmadobod) – Hindiston podshosi (1658–1707), boburiylar sulolasidan, Shoh Jahonning uchinchi oʻgʻli, Zebunniso begimning otasi.
![Thumb image](http://upload.wikimedia.org/wikipedia/commons/thumb/d/d7/Face_detail%2C_Aurangzeb_Bahadur_holding_an_iris_%286124502565%29_%28cropped%29.jpg/320px-Face_detail%2C_Aurangzeb_Bahadur_holding_an_iris_%286124502565%29_%28cropped%29.jpg)
Onasi – Mumtoz Mahal nomi bilan mashhur boʻlgan Arjumand Bonubegim. A. inisi Murod-baxsh bilan ittifoq tuzib, Dehlida taxtni egallagan (1658). A. podsholik yerlarini qoʻshni xonliklar – Bijapur va Golkonda hisobiga kengaytirdi (1686–87). Lekin soliqlarning koʻpayishi, hindlarning davlat ishlaridan uzoqlashtirilishi, butxonalar mol-mulkining musodara qilinishi, hindlar orasida islomni joriy ettirish jarayoni natijasida mamlakatda gʻalayonlar koʻtarilib turdi (Maharashtra, Panjob, Dehli – Agra viloyatlarida). Shivaji (1630–80) boshchiligidagi kurash natijasida Ma-harashtra alohida xonlik boʻlib ajraldi (1674). A.ning hukmdorlik davrida Janubiy Hindiston bir necha xonliklarga boʻlinib ketdi. Bu esa Hindistonda bo-buriylar saltanatining yemirilishini boshlab berdi.