Oʻzbekiston Respublikasida xizmat koʻrsatgan artist

„Oʻzbekiston Respublikasida xizmat koʻrsatgan artist「 faxriy unvoni — respublikada sanʼatni rivojlantirishda, respublikada ijodiy kadrlarni tayyorlash va tarbiyalashda xizmat koʻrsatgan teatr, kino, estrada, sirk, televideniye va radio eshittirish artistlari va rejissorlariga, musiqa ijrochilari va ashulachilarga, baletmeysterlarga, orkestr va xor dirijyorlariga, musiqa va boshqa badiiy jamoalarning rahbarlariga beriladi^[1][2][3][4].

「Oʻzbekiston xizmat koʻrsatgan artist」 faxriy unvoni
Mamlakat	Oʻzbekiston
Turi	faxriy unvon
Kimga topshiriladi	Oʻzbekiston fuqarolariga
Taqdirlash asosi	respublikada sanʼatni rivojlantirishda, respublikada ijodiy kadrlarni tayyorlash va tarbiyalashda xizmat koʻrsatgan badiiy jamoalarning rahbarlariga
Holati	topshiriladi
Statistika
Taʼsis sanasi	1996-yil 26-aprel.

Tavsifi

• Koʻkrak nishoni diametri 30 millimetrli doira shaklida boʻladi va 925 probali kumushdan tayyorlanadi. Nishonning qalinligi 2,2 millimetr.
• Nishonning hoshiyalangan tekis yuz tomonida doira, niqob va royal, pastki oʻng chekkasida dafna novdasi tasvirlangan. Nishonning aylanasi boʻylab „XIZMAT KOʻRSATGAN ARTIST「 degan yozuv joy olgan.
• Nishonning orqa tomonida Oʻzbekiston Respublikasining Davlat gerbi tasvirlangan. Tasvirlar va yozuv qabariq.
• Koʻkrak nishoni ichki qismiga Oʻzbekiston Respublikasining Davlat bayrogʻi ranglaridagi shoyi lenta sirilgan kadagʻichga halqa va ilmoqcha yordamida ulanadi.

Mukofotlanganlar

Yana qarang: Turkum:Oʻzbekistonda xizmat koʻrsatgan artistlar