Cao del goerno
From Wikipedia, the free encyclopedia
El cao del goerno ła ze ła persona in cao del podere ezecutivo de un Stato sovran e el ga normalmente el cònpito de presiédar el gabineto de goerno, l'òrgano cołejałe che el reunise i ministri. Dipendindo da ła forma de goerno adotada, sto incargo el połe èsar coinsidente o no co l'incargo de cao del Stato.
Inte łe repùbleghe presidensiałi e inte łe monarchie asołute no ghe ze un cao del goerno difarente dal cao del Stato, mentre inte i sistemi parlamentari, andove che el cao del Stato el revestise prinsipalmente na funsion serimoniałe e de garansia, łe du figure łe ze separae e el cao del goerno el ze responsàbiłe davanti al Parlamento. Cusita anca inte ła repùblega semipresidensiałe andove, parò, el cao del goerno el ze responsàbiłe anca davanti al cao del Stato.