Àlbaro de Nadałe

L'àlbaro de Nadałe raprexenta na tradixion natałisia difondesta in tuto el mondo: ła tradixion, che nata forse orixene inte i Paexi de lengua todesca tra el XVI e el XVII secoło^[1] , consiste ne l'adobare na pianta senpreverde, de sołito 'n'abete co luxi, bałete, ecc.

Un àlbaro de Nadałe

Orixene

L'àlbaro de Nadałe deriva probabilmente da ła tradixion de adobare co piante senpreverde durante łe feste pagane de mexinverno.^[1]

Storia

Se ga notixie çerte su l'àlbaro de Nadałe soło dal 1605, cuando a Strasburgo, in Alsazia, se parla de l'usansa de decorare in casa un abete co rose de carta, mełe, cialde, caramełe, ecc.^[1] Xà parò inte el 1531 vigneva vendù a Strasburgo de łe piante senpreverdi par Nadałe^[1], mentre risałe al 1561 un decreto che inpedeva a ogni çitadin alsazian de conprare par Nadałe pì de 'n'arbusto e che 'sto qua no doveva sorpasar i oto metri^[1].

Tutavia, i Estoni i sostien che da łori l'usansa de usare piante senpreverdi par Nadałe ła zera xà atestà inte el 1441^[1], mentre pare che a Riga, in Letonia, se usasa adobare e portare in procesion na pianta senpreverde, par dopo portarla in procesion xà inte el 1510 ^[1].

L'àlbaro de Nadałe inte ła cultura popołare

• A l'àlbaro de Nadałe xe dedicà el çełebre canto natałisio tedesco O Tannenbaum^[2][3]