Łago de Mizurina
From Wikipedia, the free encyclopedia
Remove ads
El Lago de Mixurina[1] (en itałian: Lago di Misurina) el xe un lago alpin de l'Vèneto, in Itàlia, situà inte el paexe de Mixurina (it. Misurina), frasion de Auronso de Cadore, in provincia de Bełun. El xe el pì grando lago naturałe del Cadore e el xe soranominà "ła perla de łe Dołomiti[2][3].
Remove ads
Orìxene del nome
El nome "Mixurina" el deriva da l'espresion "mexo ai rin", che ła xe dovuda al fato che se pensava che sia el Piave che l'Àdexe i nasese dal lago de Mixurina.[2]
Zeografia
Cołocasion
El lago de Mixurina se cata a est de ła frasion de Mixurina.[4] El lago de Mixurina el xe situà a 1.756 m.s.l.m.[2] e el xe çircondà da vete cuałi łe Tre Çime de Lavaredo, el Sorapiss, i Cadini e el Monte Cristało[2][4].
Lejende
Secondo la lejenda, el lago el saria stà un regało de ła fata del Monte Cristało a Mixurina, ła fioła del re Sorapiss, che la vołeva un specio màjico.[2][3] La condision gera che so pare vignese trasformà in na montagna: a ła fin parò Mixurina xe cascà xò da 'sta montagna e da łe làgrime versà da so pare saria nato el lago.[3]
Sport
Inte el 1956 el lago de Mixurina el ga ospità łe gare de patinajo dei Xughi Olìnpeghi invernałi de Cortina.[3]
El Lago de Mixurina inte ła cultura de masa
- Al lago de Mixurina xe dedicà la canson Il lago di Misurina de Claudio Baglioni, publicà inte l'àlbun Sabato pomeriggio del 1975[5]
Note
Varda anca
Altri projeti
Wikiwand - on
Seamless Wikipedia browsing. On steroids.
Remove ads