Culmo

El ganbo o stìngoło de łe graminacee el ciapa el nome de culmo. Eło el ze netamente sudividesto in gropi e intergropi (de frecuente i ze vodi).

El formento el ze on ezénpio de pianta dotada de culmo.

Dai gropi i ciapa el via łe foje (una par gropo). I gropi i ze tanto visini a ła baze del culmo e i se distànsia man man che se se distànsia dal teren. Sta roba ła sucede parché el mecanismo de cresimento primàrio de ła pianta el ze bazà so ła crésita dei gropi e el consevente distansiamento dei intergropi. Dai primi gropi (tanto visini) se forma novi culmi. Sto procedimento el consente a ła pianta de crésar in larghesa a formar pì cespi pì o manco conpati. A ze partegolarmente rełevante se se consìdara el sfalsamento (da parte de l'omo co ła false o dopo el pascołamento de łe bèstie).

In racuante spece i gropi bazali del culmo i połe far cùmuło de sostanse de reserva.