Domenà

El Domenà el ze cofà che ła vien conosesta uncó ła seconda faze de goerno de l'Inpero Roman, drioman de ła prima del Prinsipà. La istoriografia ła consìdara durar sto perìodo partindo dal scumìsio del mandà de l'inperador Dioclesian (284 dC) finmente al sparimento de facto de l'Inpero Roman d'Osidente (476), par tanto el raprezenta ła forma de goerno caratarìstega del Baso Inpero Roman.

Etimołozia

El tèrmeno el provien dal latin dominus, traduzesto cofà segnor o sior (paron respeto al s-ciavo): el ze l'omo davanti el cuało i abitanti de l'inpero i ze considarai s-ciavi.

Partindo da sta època, parołe cofà Dominus noster , "nostro paron/sior", łe taca conparir inprimeste inte łe monede e inte i tìtułi inperiałi.