Finlàndia
From Wikipedia, the free encyclopedia
Remove ads
Ła Finlandia ła ze un paese de ła Europa setentrionałe, co capitałe Helsinki. Ła se cata inte ła Penìzola Scandìnava.
Ła confina a nord-òvest co ła Svesia, a nord co ła Norveja, a est co ła Rusia, a sud e a òvest co'l Mar Bàltego.
Remove ads
Zeografia fisica
El teritorio de ła Finlandia el ze logà inte ła banda orientałe de ła rejon zeogràfega ciamà Fenoscandia.
Ła ze ciapàa infra i 60° e i 70° de latitùdene nord; oltra un terso de'l teritorio el ze a nord de'l Sìrcoło Połar Àrtego: cuesto el fa el paeze uno de i Stati pi setentrionałi al mondo.
Morfołozìa
Ła morfołozìa de'l teritorio ła ze conseguensa de grandi movimenti jasałi: a sud el rizulta un teritorio pa'l pi pian, co numarozi łaghi e ìzołe.
A nord de'l fiume Oulujoki el teritorio el canbia aparensa: se cata prima numerozi riłievi cołinari fin a rivar, inte ła banda nord-osidentałe de'l paeze a ła banda orientałe de łe Alpe Scandìnave [28].
Idrografìa
Ła ze bagnàa a sud da'l Golfo de Finlandia e a òvest da'l Golfo de Botnia.
Ła costa de'l paeze, pur sendo zeneralmente basa, ła ze iregołare e ła fronteja numarozìsime ìzołe.
El fiume pi longo de'l paeze el ze el Kemijoki che el sboca inte el Golfo de Botnia da łe bande de ła sità de Kemi. Se ricorda anca el Oulujoki.
Ghe ze numarozìsimi łaghi (sirca 187.888 łaghi[29]) de orìzene jasałe e de ogni dimension tante olte cołegài infra de łori e co numaroze ìzołe, in particołar inte ła banda sud-orientałe de'l paeze.
Clima
El clima de ła Finlandia l'inconbe a ła fasa climàdega temperada freda, vista ła latitùdene; ła ga caràteri de tranzision intra i climi continentałi de łe zone ruso-siberiane e i climi oseanisi de łe zone atlàntiche a òvest.
Anbienti naturałi
Łe foreste łe coverze sirca el 70% de'l teritorio.
Inte ła banda nord-orientałe de'l paeze ła se estende ła Łaponia, ła tera de ła tundra.
Remove ads
Zeografìa Połìtega
La Finlandia ła se devide inte vinti rejoni (Maakunta).
Da'l 2010, sete azensìe rejonài le organiza la atività governativa int'el teritorio. Łe corisponde sirca a łe sie provinse antesedenti, fora che ła Finlandia Osidentałe, diviza inte Finlandia Sentro-Osidentałe e Sud-Osidentałe.
Ła fa parte de l'Union Europea da'l 1995 e de ła NATO da'l 2023.
Demografìa
Ła ga sirca sincue miłioni de àneme.
Ła Łaponia ła ze abitada, oltra che dai finlandezi, da na minoransa sami.
Economìa
Łe foreste łe costituise ła major risorsa de'l paeze, che el ze un inportante esportador de legne e pasta de legna uzà par prodùzar carta.
Inte ła Łaponia el ze difondesto l'ałevamento de rene, prategàa da i sami.
Gałerìa de someje
Morene inte ła costa de Kvarken-Höga
Fiume Kemi a Rovaniemi
Panorama de Tampere
Ceza de Petäjävesi
Notasion
Altri projeti
Colegamenti par fora
Wikiwand - on
Seamless Wikipedia browsing. On steroids.
Remove ads