Forum econòmego mondiałe
From Wikipedia, the free encyclopedia
Remove ads
El Forum econòmego mondiałe (nome orìzenałe in ingleze: World Economic Forum, conosesto anca cofà Forum de Davos) ła ze na fondasion sensa fini de lucro co sede a Cologny, arente de Zinevra, in Svìsara, nasesta inte el 1971 par inisiativa de l'economista e acadèmego Klaus Schwab.
.jpg)
La fondasion ła organiza ogni inverno, inte ła sitadina sciìstega de Davos in Svìsara, na reunion intrà esponenti de rezalto de ła pułìtega e de l'economia internasionałe co intełetuałi e zornałisti ełezesti, par discórar de łe cuestion pì urzenti che al mondo ghe toca farghe fronte, anca in matèria de sałute e de anbiente. Oltre che sta sełebre reunion anuałe, el Forum ecònomego mondiałe el organiza ogni ano un meeting in Cina e inte i Emirai Àrabi Unii e vàrie reunion de liveło rejonałe. La Fondasion ła produze anca na sèrie de raporti de investigasion e ła inpegna i so menbri in spesìfeghe inisiative setoriałi.
El World Economic Forum e ła so reunion anuałe a Davos łe vien critegae par el costo pùblego de ła seguresa, ła creasion de na rica élite globałe sensa lighi co łe socetà pì grande, i criticai procedimenti decizionałi, ła cuestion de zènere e ła mancansa de trasparensa finansiària. In resposta a łe criteghe de ła socetà siviłe svisera, el goerno federałe svisero el ga decidesto inte el febraro del 2021 de sbasar łe so contribusion anuałi al WEF.
Remove ads
Notasion
Altri projeti
Linganbi foresti
Wikiwand - on
Seamless Wikipedia browsing. On steroids.
Remove ads