Gaborone

Gaborone (ne la lengoa locale se dixe Haboron), ła xe ła cavedal del Botswana co na popołasion stimà de 208 411 abitanti (2005).

Gaborone

Gaborone (tn) Gaborone (en) Gaborone (fr) Gaborone (de)
Epònemo	Kgosi Gaborone (it)
Pozision
24°38′47.04″S 25°54′42.84″E24°38′47.04″S, 25°54′42.84″E (Gaborone)
Stato	Botsuana
Distretti del Botswana (it)	distretto Sudorientale (it)
Cavedałe de	Botsuana Protetorà del Bechuanaland (1965–1966)
Popołasion
Totałe	235 884 (2013)
Densità	1 395,76 hab./km²
Demònemo	gaboronais,
Idioma	inglezo
Zeografia
Àrea	169 km²
Altitùdene	1 014 m
Còdazi de identifegasion
ISO 3166-2	BW-GA
Fuzo oràrio	Central Africa Time (it) UTC+2
Prefiso tełefònego	00267
Sito web	gov.bw…

Storia

Al tenpo de la colonia, i inglexi i governava el Botswana dal Sudafrica. Co l'indipendensa la xera visina, i colonialisti i ga deciso de pasar la cavedal del protetorato del Bechuanaland da Mafikeng (alora Mafeking) a Gaberones, on vilagio in tel sud del paexe. El nome de la cavedal el vien dal nome del cao Kgosi Gaborone. I inglexi i ga fonda' on picolo sentro comerciale rente de la so casa e i lo ga ciamà Gaborone's Village. La zente la ga distorto el nome e i lo lexea Gaberones. Pi tardi, el nome originale el xe stà ristabilio. El sentro de la nova cavedal el xe stà costruio in manco de tri ani. El 30 setenbre 1966 el xera tuto pronto par l'indipendensa. La sità la gavea alora el Parlamento, ufisi governativi, la posta el telefono, la sentrale eletrica, la stasion de polisia, e 1000 case par la zente. El vecio vilagio de Gaberones el xe diventa' on soborgo e anco tuti i le ciama el vilagio.

Struture

Aeroporto Internaxionale Sir Seretse Khama

Gaborone la xe na sita' moderna e la ga strade pi che suficenti par el trafico. La zente la vive sora-de-tuto inte i vilagi intorno a la sità e i se move co taxi publici condivixi.La diga de Gaborone la fornise àcua a tuti. El aeroporto internaxional el se cata a 10 km a sud de la sità e se pol ndar in tute le sità pi inportanti col bus. Le case le xe moderne e no se cata baracopoli, caso unico in Africa. El tren el colega el paexe co el Sudafrica. El grupo de svilupo de l'Africa meridionale (Southern African Development Community – SADC) el ga i so ufici a Gaborone.