Stìpete (micołozia)

Ła ganba, stìpete o ganbo ła ze na strutura morfołòzega dei fonghi che el sostiene el capeło.

Dezanbìgua – Se te serchi altri signifegari, védarse Ganbo

El ze costituio da na baze, che ła vien fora dal substrato, e da on àpeze, che el se inserise inte ła parte inferiora del capeło.

Łe spece che łe ga on stìpete o ganbo, łe ze dite "peduncołae", chełe che invese no łe ga łe ze dite "sesiłi".

Insersion inte el capeło

In baze a ła pozision del ganbo rispeto al sentro del capeło, podemo destìnguar fonghi co stìpete:

• sentrałe, inserio al sentro del capeło
• laterałe, inserio inte on ponto perefèrego del capeło, cuazi so l'orlo
• eséntrego, inserio inte on ponto intermèdio, no inte el sentro ma njianca inte el màrzene del capeło

Forma

La forma ła ze racuanto variàbiłe anca intrà fonghi de ła istesa spece.
El ganbo, in baze a ła forma, ła połe èsare:

arcuà	fuziforme	radegante	siłìndrego	infievołio a ła baze	infievołio in alto
clavà	bulbozo subsfèrego	bulbozo napiforme	bulbozo imarzenà	bulbozo marzenà	bulbozo turbenà

Retìcuło

I retìcułi del ganbo i ze simiłari a chełe del capeło, e par sta motivasion se parlarà de ganbo:

• fibrozo
• scuamozo
• glutinozo
• granułozo

finemente scuamozo

fiocozo

retegołà

strià

Struturasion e consistensa

Ła struturasion de ła ganba, in rełasion a cheła del capeło, ła se definise:

• omozènea: se ła ganba no ła se divide dal capeło
• eterozènea: se ła ganba ła se divide dal capeło e in sesion lonzitudenale ze evidente na neta demarcasion intrà la carne del ganbo e del capeło

Segondo la struturasion e la consistensa el ganbo se połe destìnguare in:

• carnozo, co ła se ronpe co poco (ez. Russula)
• fibrozo, co ła tende sbregarse lonzitudenalmente evidensiando le fibre (ez. Clitocybe)
• fibro-carnozo, co ła prezenta na strutura intermèdia (ez. Tricholoma)
• cortegà, co la parte esteriora ła ze de consistensa tanto pì dura de ła carne (ez. Gyroporus)
• cartiłazineo, co ła se piega invese de rónparse

In relasion a ła sesion el ganbo el połe definirse:

• pien, co la superfise interna ła ze piena in manjiera omozènea
• cavo, co el ze vodo drento
• midołozo, co el ze de consistensa moła
• fistołozo, co el prezenta na cavità interiora de grosesa inferiora a cheło de ła scorsa
• tubułozo, co el prezenta na cavità interiora de grosesa superiora a cheło de ła scorsa
• cavernozo, co la cavità interiora ła ze formada da difarenti cavità picenine