Hugo Chávez

Hugo Rafael Chávez Frías (Sabaneta, 28 lujo 1954 – Caracas, 5 marso 2013) el xe stà un połìtego e miłitare venesuelan. El xe stà prexidente del Venesueła dal 1999 a ła so morte.

Chávez el ga promoso ła so vixion de sociałixmo democràtego, integrasion de ła Amèrica Łatina e anti-inperialixmo. Gera anca on forte crìtego de ła globałixasion neołiberista e de ła polìtega foresta statunitense. Ła so particołare fiłoxofia vien denominada chavismo. Ła oposision ło ga aspreamente critegà, intrà varie robe, par no rispetare i diriti de łibertà de tute le parsone.

Chávez ga fondà el Movimento Quinta Repubblica dopo ver organixà, inte el 1992, un fałio colpo de Stato contro el vecio prexidente Carlos Andrés Pérez. Chávez vien ełeto prexidente inte el 1998 grasie a łe so promese de juto par ła majoransa pòareta de ła popołasion venesuełana e el vien riełeto inte el 2000, inte el 2006 e inte el 2012. In patria Chávez ga incaminà łe Mision Bołivariane, che come obietivi i ga quełi de conbàtare łe małatie, el analfabetixmo, ła malnutrision, e i altri małi sociałi. In połìtica foresta el se ga movesto contro el osidente sviłupando modełi econòmeghi alternativi.

El more el 5 de marso del 2013 a cauxa de un tumor, dopo èsar sta ricoverà 4 olte a Cuba.

File:HugoChavez1820.jpeg

Hugo Chávez che sałuta ła xente sostenidora

Predecesore	Prexidenti del Venesueła	Sucesore
Rafael Caldera	dal 1999 al 2013	Nicolás Maduro

Wikimedia Commons el detien imàjini o altri file so Hugo Chávez
Scholia el detien schemi gràfeghi so Hugo Chávez

Pì informasion Controło de autorità ...