Malware

Malware (scursamento de l'ingleze malicious software, let. "software małévoło"), inte ła seguresa informàtega, el denòmena un calsìase programa informàtego doparà par disturbare łe oparasion fate da un utente de un computer. El tèrmano, conià inte el 1990 da Yisrael Radai, previamente el vegnea ciamà virus par computer; in vèneto el vien anca de frecuente ciamà còdaze małévoło , mało o małegno.

Difarenti tipi de Malware.

Mension istòreghe

Col erlevarse del desviłupo de internet e ła crésita dei utenti a sto cuà ligai, soratuto partindo da l'ano del 2000, el malware el ze senpre pì stato doparà par fini de lucro. Fin dal 2003, ła major parte dei virus e worm i ze stai creai par tore el controło del computer de l'utente vìtema, par fini iłìciti. El ze sta stimà che inte el 2012, sirca intrà el 60-70% de tuto el malware in atività el doparase na sorta de Click fraud, e che el 22% de tuti i a-click el fuse de tipo fraudołento