Nèpal
From Wikipedia, the free encyclopedia
El Nèpal el xe un stato del'Axia.
El confina a nord co ła Cina e a sud co ła India.
Zeografia
- Nèpal
łago Gocio
Himalaia
Mustang
Mustang
El xe un Stato pien de montagne: rento el teritorio nepałéxe ghe xe un bel toco de l'Himalaya co gran parte dei munti pi alti al móndo, incluxo l'Everest.
Indando da nord a sud se cata el alto Himalaia, co sime fina a 8000 m., el mèdio Himalaia co sime fin a 2000 m., łi Siwalik, e el ła pianura del Terai, estrema parte setentrional de cheła del Gange.
Łi fiumi prinsipałi łi xe da ovest a est Ghāghara (o Gogra), Gandak e Kosi, tuti afluenti de sanca del Gange.
El teritorio el xe in bona parte coverto da foreste.
El clima el xe tropical inte el sud del paexe, el xe fortemente influensà da łi monsoni; indando verso nord, co el aumento de cuota el pasa a un clima de montagna.
Istòria
- Nèpal
Kathmandu
Swayambhunath
Patan
Kaski District
- Intra el V e el II sec. a.C. el paexe el jera abità da popołasion dedite al ałevamento. El xe sta introdoto el budixmo
- Intra el IV e el VIII sec. ła popołasion Nevara de ła vałe de Catmandu łi adota ła siviltà indiana.
- a partir dal XIII sec. el resto del paexe el vien cołonixà da łi indo-nèpałexi, co ła ecesion de łe vałi del nord ocupae da łi tibetani
- intra el 1744 e el 1780 ła dinastia Gurkha unise el paexe.
- inte el 1816 co el tratà de Sugauli el divien un protetorà britanego
- intra el 1846 e el 1951 el poter el vien exersità da łi primi ministri de ła dinastia Rana
- inte el 1923 el paxe el divien formalmente indipendente dal Regno Unìo.
- inte łi ani '90 e '00 el paexe se segnà da una serta instabiłità social e połitega che porta a ła formasion dei partii połiteghi e a łe prime ełesion plurałiste.
- Inte el 2008 ła asenblea costituente ła ga canbià el ordinamento del stato da na monarchia costitusional inte na republica federal.
Połitega
El xe na Republica fedaral.
Ła costitusion népałexe ła risal al 2007.
El poter executivo el xe detegnuo dal Presidente che ło exersita tramite un Primo Ministro.
El poter łegislativo el xe detegnuo da na asenblea costituente de 601 menbri ełeti el 10 de avril 2008. Ła maxoria de sti raprexentanti łi fa parte del Partio Comunista del Népal (maoisti); altri partii inportanti łi xe el Congerso népałexe (drita) e el Partio Comunista del Népal (marcsisti-łeninisti unifegai).
El poter judisial el xe esersità da ła Corte Suprema.
Cultura
El Nèpal el xe l'ùnico Stato che no el ga na bandiera né quadrà né retangołare: l'è fata da du triàngołi soraposti.
Gałeria de someje
monte Đaułaġiri
fiume Beri
panorama de Catmandu
sentro de Bactapur, patrimonio ONUESC
Nòde
Altri projeti
Łinganbi foresti
Wikiwand - on
Seamless Wikipedia browsing. On steroids.