Organizasion par ła Libarasion de ła Pałestina

L'Organizasion par ła libarasion de ła Pałestina ( OLP ) (in arabo: منظمة التحرير الفلسطينية , Munaẓẓamat at-Taḥrīr al-Filasṭīniyya) el ze un movimento de libarasion nasionałe pałestineze. L'OLP ła ze considerada da łe Nasion Unie l'ùgnoło raprezentante lejìtemo del pòpoło pałestinezo .

Organizasion par ła Libarasion de ła Pałestina

(ar) منظمة التحرير الفلسطينية
Dati
Nome scursà	PLO, OLP, OLP, OLP, OAP, ΟΑΠ, OLP, OLP, PAE, OLP, OLP, OLP, OEP, م.ت.ف, 巴解, ساف, אש״ף, אש״ף, OLP, FAT, FKÖ, ООП, ОО́П, ОВП, OLP, PFSZ, PVO, პგო, АВП, OOP, PBO, OOP, POO, OÇP e FOT
Sorte	Organizasion pułìtega coałision pułìtega
Ideołozìa pułìtega	nasionałismo pałestin nasionałismo àrabo secułarismo nasionałismo panarabismo sociałismo laisismo
Istòria
Creasion	28 de majo del 1964
Fondador	Ahmad Shuqayri (it)
Governo d'impresa
Presidènsa	Mahmoud Abbas (2004–)
Sito web	plo.ps
Pozision

L'OLP ła ze stada fondada da ła Liga Araba el 28 de majo del 1964^[1]. Inte el momento de ła so creasion, el so fin prinsipałe el zera ła destrusion del Stato de Israełe traverso de ła lota armada, e sto fin el zera scrivesto inte ła so carta fondante.

L'OLP inte el prinsìpio ła zera ła controłada a majoransa dal goerno ezisian.

L'OLP el difende el derito al retorno dei pròfughi palestinezi, e l'autodeterminasion dei citadini palestinezi residenti in Ciz-zordània e Gaza, e ła se opone a l'ocupasion dei teritori palestinezi da parte de łe forse armae israeliane .

Siben che inte el scumìsio no el sìpia sta fato nisun referimento a un ipotètego stato palestinezo, l'OLP el ga drioman catà-sù l'idea de crear un stato indipendente intrà el fiume Zordan e el Mar Mediteràneo.

Inte i ùltemi dezeni, l'OLP el ga adotà ufisalmente ła solusion de crear do stati, andove a ła fin łe nasion de Israele e Palestina łe posa coezìstare in paze, e el ga dasà ła porta verzesta par ła scritura de acordi spesìfeghi col stato de Israele par reconósar l'Est de Zerusaleme cofà capitałe del futuro stato de Pałestina e par diféndar el derito al retorno dei pròfughi palestinezi .

Tutavia, tanti lìder palestinezi, intrà i cuałi i Yasser Arafat e Faisal Al-Husseini, i ga senpre declarà che el prinsipałe fin de l'OLP el ze ła libarasion de l'intiero teritòrio palestinezo.