Pick-up

El pick-up el xe un dispoxitivo eletronico che serve a trasformare un segnàłe de natura no eletrica in uno de natura eletrica cioè in difarensa de potensiałe.

L'è uxa sora-de-tuto in ambito musicàłe, cofà soła chitara o sol basso eletrici.

Ambito musicałe

El schema base de costrusion pai pick-up magnetici el xe questo: dei picołi magneti i vièn avolti da un sotiłe fiło condutore; se ła bobina ła xe singoła el tipo de pick-up el xe dìto single coil, se ła xe dopia (do magneti single coil, ma de oposta połarità) i pick-up i xe ciamài humbacker. Oviamente łe carateristiche in termini de timbro, eficensa e sensibiłità al rumore łe risente alquanto de 'ste do diverse impostasiòn.

I pick-up magnetici i se poe anca dividare in pick-up attivi e passivi, sevente che, rispetivamente, i sia alimentà o no; i primi i rixulta pì potenti, ma i necesita de ła bateria.

I esiste anca altri tipi de pick-up: quełi piezoeletrici, e quełi otici. I funsiona grasie a altri fenomeni fisici, che i ghe consente de no risentire dei disturbi eletromagnetici.

Poxisionamento

El poxisionamento de i pick-up el xe fondamentàłe pa ła timbrica de ła chitara.

Dal momento che ła so funsion ła xe queła de "tradure" ła vibrasion de łe corde, se i vièn messi soto łe corde visìn al manego i preleva un movimento de łe corde; se visini al ponte invese i preleva un movimento completamente diverso

I portarà quindi difarenti informasion in termini de armoniche: se i xe disposti al ponte i prelevarà tante pì armoniche rispetto a staltre posixion, quindi el suono rixultarà pì "metaico", al contrario pì che i se se sposta verso el centro de łe corde, pì morbido e dolse el sarà el suono prełevà.

Łe chitare donca de sołito łe monta pì de un pick-up, di modo che el sia posibiłe de scegliare l'efeto preferìo, o comunque de smisiare i suoni provenienti da pick-up diversi, pa otegnere tute łe posibiłi sfumature.

Controło de autorità	GND (DE) 4185653-3