Rascona
From Wikipedia, the free encyclopedia
Remove ads
La rascona ła gera na inbarcasion da strapòrto tìpega de ła laguna de Venesia, ancùo non più utiłixàda.
De grande dimension (ła łonghesa media ła zera de 28 metri par na łarghesa de 6,5 metri), ła gera caraterizà da na forma a mezałuna e fondo piàto[1] co un pescar derivàbiłe da i 35 sentimetri a vodo a poco più de un metro e mezo a pien cargo.
La pròva e ła popa tute do a pónta vertical da'l profiło tondà, łe gera un mucio èrte respeto a'l peło de l'acua, rivando fin a cuatro metri e mezo. A segonda de łe dimension, ła portada ła zera conpreza infrà łe 15 e łe 120 tonełàe.
La propulsion ła gera a veła, co do àlbori abatìbiłi e veładura a'l terso, opur a traìno co cavałi inte i trati fluviałi atresà.
La manùvra ła gera controłada tramite do màsemi timoni łaterani da ła forma a véntoło[2] e de łonghesa conpreza intrà i sìe e i dieze metri.
I timoni i se trovava a popa e i venjiva governài da un singoło marinér. La gera indotada a popa de na gabìna da'l covèrto a forma sircołar, adibìa ad ałozo par l'ecuipagio. La stiva ła gera proteta da łe intenperìe da un inbògio de tełe insieràe e stiòre (el tierno) fisada so na apozita strutura mobiłe in łenjo. L'inbarcasion ła gera stada utiłizada par el traspòrto de marcansìe fin a ła metà de ł'Otosento par po' cascàr e fenìr in dezuzo patòco.
Remove ads
Note
- Dexegno de ła rascona da veniceboats.com
- Descrisión de ła rascona da veniceboats.com
Wikiwand - on
Seamless Wikipedia browsing. On steroids.
Remove ads