Roba zudegada

El Zudegà, Roba zudegada o Coza zudegada (dal latin res iudicata) el ze l'efeto che, inte un procedimento zudisiàrio, el disende da ła pre-ezistensa de na sentensa che ła reca un insertamento definitivo sul medèzemo ojeto: sto efeto de inpedimento el se traduze inte el rispeto e subordenasion a cheło che za zera sta decidesto inte un proceso antesedente.

Angelo Gambiglioni, De re iudicata, 1579

Inte el derito procesuałe de l'Itàlia, el raprezenta un provedimento zurisdisionałe divegnesto oramai irevocàbiłe, o sia miga pì asojetàbiłe ai mezi de inpugnasion ordenari, o parché i sìpia za decoresti i tèrmeni per inpugnar o parché i sìpia za stai provai tuti i mezi de inpugnasion prevedesti da ła leje^[1].