Rifugio Fraccaroli

El Rifugio Mario Fraccaroli el xe sułe Picołe Dołomiti, in Trentin, comun de Ala, sul Carega, a 2230 metri de altesa, poco soto Sima Carega (2259 m). Proprietà del C.A.I. de Verona, el xe verto da zugno a setenbre e el ga 35 posti łeto. inte el łocałe invernałe ghe xe 6 posti. El xe el monte pi amà dai alpinisti e escursionisti veronexi. Da ła provinça de Verona se ghe riva vegnendo su da ła Val d'Iłaxi e pasando pal Rifugio Scalorbi.