Spàlato
From Wikipedia, the free encyclopedia
Remove ads
Spàlato (in croato Split) la xe la più granda e, insiéme a Zara, la più inportante zità de la Dalmazia; co i so 178.192 abitanti (2011), la xe anca el secondo zéntro abità de la Croazia. Spàlato la xe cavologo de la Region spalatin-dalmata, séde universitaria e arzivescovil.
Remove ads
Storia
La zità la xe stada fondada col nome de Aspálathos da coloni de Siracusa. El nome latin el jera Spalatum e soto l'inpero Roman ghe xe stà tirà su el palazo de Dioclezian, intrà el 295 e'l 304. Dapsò la xe stada ocupada da un bel fià de popołasion e la xe partignuda altretanti Stati, come l'Inpero bizantin, soto la dominazion del qual la ga scominzià a ritajarse na zerta autonomia, el regno de Croazia, del qual la jera la capital formalmente. La Repùblica de Venezia la ga ciolto Spàlato in tel 1420 e la ga tignuda par tre sècoli, fin al 1797, quando che Napoleon el ga conquistà tuto el teritorio vèneto.
La Dalmazia la xe stada asegnada al'inpero austrìaco dal congresso de Viena (1815). A sti ténpi i Italiani i jera la mazoranza in zità ma la so presénza la ga scominzià a diminuir soto el controlo inperial: l'ultimo podestà italian el xe stà Antonio Bajamonti. Come el résto de la Dalmazia la xe stada rivendicada dal'Italia in tel momento de intrar in guera in tel 1915, ma a la fin de la Prima guera mondial durante i armistizi i ga preferio de dar tuta la Dalmazia a la Jugoslavia, fora che Zara. Durande la Seconda guera mondial la xe stada ocupada par do ani, fin al 1943, co ghe xe stada la riscosa s-ciavona da parte dei partizani de Josip Broz Tito. In tel 1991 la xe deventada parte de la repùblica de Croazia.
Remove ads
Atrazion
Spàlato la xe famoxa soratuto par el Palazo de Dioclezian, la porta Àurea e l'inponénte sistéma de muri che el zirconda la parte più zentral de la zità. Visitada xe anca la catedral de San Doimo col so zèlebre canpanil. El zéntro stórico el xe bel come tuti queli creadi dai Veneziani inte la costa dàlmata.
Inte le vizinanze le xe notévoli le ruine de la zità romana de Salona e i scavi archeològizi i saria da slargar, ma'l paesajo zircostante el xe stà ocupà, in inte el sècolo passà, da na granda zona industrial. In ogni caso i xe drio studiar un pian de recùpero e tutéla. Sùbito a Ovest se cata le stóriche località turìstiche dei Sette Casteli e'l specio de mar che da lori el ciol el nome: la Baja dei Casteli, che la penìsola de Spalato insiéme al'ìsola de Bua la divide dal Mar Adriàtico.
Remove ads
Zemelagi
Spàlato la xe zemelada co:
Ancona
distretto di Charlottenburg-Wilmersdorf (it) 
Dover
Antofagasta
Bet Shemesh
città di Cockburn (it) 
Ostrava
Trondheim
Benevento
Pescara
Agrixento
Cagli
Provincia de Àscułi Picen
Comun de Gladsaxe
Los Angeles
Mostar (it) 
Odessa
Štip (it) 
Velenje (it) 
Cracovia
Punta Arenas
Kermanshah
Pernik (it) _COA.svg){kind=small}
distretto di Wilmersdorf (it)
Adalia
Smirne
Patraso
Rzeszów 
Gladsaxe
Péxaro
Bibliografia
Wikiwand - on
Seamless Wikipedia browsing. On steroids.
Remove ads