Tricołor

El tricołor el xe na bandiera co tri cołori; inisialmente el "tricołor" par antonomaxia el xe sta ła bandiera fransexe, in seguito ło steso termine el xe sta 'doparà par indicar altre bandiere tricołor, come queła itałiana o queła belga.

El primo Tricołor de ła storia a pare che ła sìa sta ideà dal Marchexe de Lafayette tacando el rosso e el blu, tradisionałi cołori de ła sità de Parigi al bianco de ła caxa regnante borbonica.