Vanie
From Wikipedia, the free encyclopedia
Remove ads
Vanie l'è na frazion del Comune de Mel (bandiera arzon del Touring Club Italiano) in provincia de Belun.
Vanie l'è an paeset mes a sinistra del Terche, su par la strada (Pragrant) che da Vila la porta a Cordellon. A l'è distante da Vila zirca 1 km e 4 da Mel. A l'è mes a solivo, s'un col (sot al Boz) da dove se vet quasi tuta la Valbeluna.
Purtropo inte i ultimi ani, sora-de-tuto dopo che la Zanussi l'ha vert la fabrica a Fontanela, la gente l'è scampada dal paese e l'è andada verso Vila. Par sto motivo, pian pian l'è sparì la scola, la lataria, la botega e infin anca l'osteria.
Intorno a Vanie ghe n'è altri posti come Pedevila Alta, Pedevila Bassa, Carine, Le Rive, Pianazz, Salvarada, Pian de la Gata, Loze. Vanie a l'è an pasagio obligà par chi che deve andar a Cordelon (4 km), in Foral (7 km), in Val de Pissador (9 km), in Val de fontane (7,5 km) e anca sul Pilon (9 km).
Le coltivazion più usade l'è de panoce, patate, uva, pom, per, fariese e nos. Se trova anca cachi e fighi.
I cognomi pì usadi iè: Venturin, Cesa, Burtet, Menegol, Bernardi, Dall'Asen.
Remove ads
Sport
L'impiant pì bel a l'è al camp da tennis a Salvarada.
La piaza, che l'è fata da n'incrosament de 4 strade l'è stata usada come camp da calcio e la porta de la becaria come porta da calcio. Dopo che i ha demolì la becaria l'area de rigore l'è stada risfaltada tuta de novo e la se ha slargà tan che la porta le stata spostada su par al mur de contenimento novo.
Pàxene colegade
Łigamenti foresti
- Na foto dala piaza e dove che l'è mes su Google Maps Archivià il 24 de agosto 2008 in Internet Archive.
Wikiwand - on
Seamless Wikipedia browsing. On steroids.
Remove ads