World Wide Fund For Nature

El World Wide Fund for Nature, de frecuente scursà in World Wildlife Fund o co l'acrònemo WWF, el ze un'organizasion internasionałe no goernativa de protesion anbientałe co sede inte ła sità de Gland (Svìsara).

World Wide Fund For Nature

Dati
Sorte	organizasion internasionałe no governativa organizasion sensa fini de lucro organizasion par ła conservasion de ła nadura organizasion ecołozista Organizasion no goernativa
Canpo de laoro	protesion anbientałe e conservasion
Forma zurìdega	organizasion internasionałe no governativa
Istòria
Creasion	29 de apriłe del 1961 , New York
Fondador	Bernardo de Lippe-Biesterfeld, Julian Huxley, Peter Scott, Edward Max Nicholson, Fełipo de Edinburgo, Lukas Hoffmann e Guy Mountfort
Atività
Ànbito	internasionałe
Menbro de	Ofisina Eoropea Anbientałe
Nùmaro de vołontari	200 000 (2023)
Governo d'impresa
Presidènsa	Adil Najam (2023–)
Aministrador dełigà	Kirsten Schuijt (2023–)
Inpiegai	12 000 (2023)
Filiałi	World Wide Fund for Nature (United Kingdom) (en) WWF Japan (en) World Wide Fund for Nature (Cameroon) (en) WWF FRANCE Fundación Vida Silvestre Argentina (en) Doğal Hayatı Koruma Vakfı Asociación para la Defensa de la Naturaleza WWF Indonesia (it) WWF Deutschland (en) WWF Italia World Wildlife Fund (USA) (en) WWF Svizzera (it) World Wide Fund for Nature (Tanzania) (en) WWF Danimarca (it)
Ex nome (it)	World Wildlife Fund (1961–1986) World Wide Fund for Nature (1986–2001)
Indicatore economico
Finansiamento	(Open Society Foundations (it) (2019) )
Finanziatore (it)	Open Society Foundations (it) (2019)
Altri
Premi (1990)  Reklame for Alvor (1988)  Prèmio Prinsipesa de Astùrie de ła Concòrdia (1978)  Premi Peabody, premià par Mysterious Castles of Clay
Sito web	wwf.org
Pozision

Istòrego

L'asociasion ła zera stada fondada ła 11 de setenbre del 1961 cofà World Wildlife Fund (letaralmente "Fondo mondiałe par ła vita selvàdega") su inisiativa de Julian Huxley. In prinsìpio se ghea ełezesto cofà logo el panda zigante (ailuropoda melanoleuca) dezegnà dal naturałista conservasionista e pintore sir Peter Scott.

Cofà forma zurìdega el ze un charitable trust (asociasion) par fini de beneficensa; el primo presidente de ła sesion britànega el ze sta Fiłipo de Edinburgo, che el zera devegnesto Presidente del WWF internasionałe dal 1981 al 1996. La prima sede del WWF ła ze sta a Morges, in Svìsara, dopo trasferia a Gland, senpre inte el paeze elvètego. Inte el 1986, ano inte el cuało se ghea modifegà el logo artìstego de Scott in cheło che ghe ze uncó, pì stiłizà e reproduzìbiłe, ła ghea ciapà l'atuałe nome (World Wide Fund for Nature, o sia "fondo de estension mondiałe par ła natura"), a parte che inte i Stati Unii de ła Amèrica e in Cànada andove ła so razon sociałe ła ze oncora World Wildlife Fund.

Prinsìpi

Secondo el statuto e i documenti programàteghi, ła mision del WWF ła ze cueła là de "blocar ła degradasion de l'anbiente naturałe del pianeta e de costruir un futuro inte el cuało l'omo el vivarà in armònia co ła natura".

Par ła persecusion de sto fin łe gnen esplegae łe seventi asion reputae necesàrie:

• preservar ła biodiversità de łe forme de vita che ghe ze in Tera;
• segurar che ła dòpara de łe resorse naturałi renovàbiłi ła vegna fata in magnera sostegnìbiłe;
• promóvar mezure che łe mìree a sbasar l'incuinamento e del sperdimento de resorse.

Ora de ła Tera: Arena inpisada a Verona inte el 2013.

L'asion del WWF ła ze mirada in vari contesti de intervento de intarese globałe: łe foreste, i osèani e łe coste, l'àcua dolse, łe spece selvàdeghe, el magnar e el clima.