Zordan (fiume)

El Zordan (in ebraego נהר הירדן: Nehar haYarden, in arabo: نهر الأردن‎, Nahr al-Urdun) el ze on fiume de l'Azia osidentałe che banja Israel, Libano, Cisgordanja, Siria e Zordània. Par i Cristiani el ze on fiume tanto inportante parchè live ze sta batezà Jezù, invese par i Ebrei ze dove el sucesor de Mozè, o sipia Jozuè el ga portà el popoło ebraego a ła Tera Promesa. El vien mesonà tante volte inte l'Antigo Testamento e intel Nòvo Testamento e par cheło el ze ojeto de traguardo de numerozi pełegrinaji.

Zordan

(he) נְהַר הַיַרְדֵּן (he) נהר הירדן (ar) نهر الشريعة
Sorte	Fiume, fiume di confine (it) e sacred river (en)
Scumìsio
Continente	Àzia
Nasion rivaresca	Zordània, Pałestina, Lìbano, Israełe e Sìria
Pozision	alture del Golan (it)
Finałe
Cuota finałe	−416 m
Rejon aministrativa	Israełe
Pozision	Mar Morto
A  B 31.7614°N 35.5583°E31°45′41.04″N, 35°33′29.88″E
Afluente	38
Dati e sifre
Altitùdene	2 814 m −416 m
Mezura	252 () km
Superfise conca idrogràfega	18 000 km²

Percorso

El corso de vałe

El Zordan el nase intel Monte Hermon (2700 m) in Israel al confin co el Libano e ła Siria, el ze longo 320 Km e sultio dopo ła sorjente el łasa el Libano par scorere verso el meridion e senjar el confin tra Israel e Cisgordanja, a ovest, e Siria e Zordània, a est. E Nase da na congiunsion de fiumi Hasbani, Banyas e Dan.

El riva al Lago de Tiberiade (o de Genezareth, biblego Mar de Gałiłea) el sfocia intel Mar Morto a 397 m sirca soto el liveło del mare, pasando ła vałada Gohr, scorendo inte ła fosa tetonega cołegàbiłe al sistema de fose de l'Africa orientałe.

Afluenti

El Zordan el ciapa tanti afluenti che anca no ghe porta on costante contibusion de acua intel coso de l'an: de fato cuazi tuti suti de istà parchè i atraversa na rejon caraterizà da on clima che tende a esare suto. El fiume Yarmuk el ze el so pì inportante afluente.

Portada de l'acua

Ła so portada de l'acua ła ze tanto całà inte i ani de deso, par colpa del sfrutamento de łe acue (sue e del Yarmuk). De mèdia el porta a ła foce del Mar Morto manco de 30 metri cubi al secondo, co inpienade che, oncora, łe pol superar i 300 metri cubi al secondo. Sta drastega diminusion ła ga zà scomisià a gaver coseguense intel Mar Morto, cuesto da tanti ani se parla de on cołegamento co el Mar Roso, che połaria portar a na beła contribusion a ła produsion de energia ełetrega par Israel e Zordània.

Altri projeti

Altri progetti

• Wikimedia Commons

• Wikimedia Commons el detien imàjini o altri file so Zordan
• Scholia el detien schemi gràfeghi so Zordan (fiume)

Linganbi foresti

• GiordanoTreccani.it – Enciclopedie on line, Istituto de ła Ençiclopedia Italiana.
• Roberto Almagià e Luigi Gramatica, GIORDANO, in Ençiclopedia Italiana, Istituto de ła Ençiclopedia Italiana, 1933.
• Giordanosapere.it, De Agostini.
• (EN) Jordan RiverEnçiclopedia Britannica, Encyclopædia Britannica, Inc.
• (EN) Zordan, in Catholic Encyclopedia, Robert Appleton Company.