L'Arcèła xe un dei pì grandi cuartieri de Pàdova, el xe a nord de la stasion feroviaria, co i binari de ła ferovia che, traversando in diresion ovest-est, la separa dal sentro. Ancó se poe ciamare co sto nome deversi tochi de la sità, anca se ła definission pì pròpia ła toe drento łe parte pì visine al sentro, in particołare:el Borgomagno, ai pie del pasatisio che parmete de rivarghe da sud; ła paròchia de Sant'Antonin e le xone torno che ła senpre stà el core del quartiere oltre che el so monumento pì inportante; ła paròchia de ła Santìsima Trinità e le parte che ghe sta torno.