Saragosa, in spagnoło Zaragoza, el xe el caołogo de ła rejon Aragona, e caołogo anca de ła provinsa e comarca omòneme. Ła xe una de łe majori sità de ła Spagna co i so 667.034 abitanti ponesta inte ła riva drita de l'Ebro inte el sentro de na vasta depresion on tenpo dexertega che deso invese ła xe na pianura bastansa fèrtiłe, gràsie a racuante canałixasion de irigamento che łe suplise a ła scarsa piovoxità de ła xona, una de łe pì base de ła Spagna co na mèdia de 323 mm de piova a ł'ano. Ła xe sede arcivescoviłe e universitaria.