El Suriname o Surinam (/ˌsyriˈnamə/), ufisalmente ła Repùblega de Suriname ― antigamente conosesta cofà Guayana Ołandeza ― ła ze un paeze de Amèrica del Sud, che el sta arente col osèano Atlàntego verso nord, col departemento de oltremar franseze de ła Guayana Franseza verso est, co ła Guyana verso ovest e col Braziłe verso sud. El so teritòrio el cuerze na estension de 163 820 km², La so popołasion al 2020, drio cheło che dize i dati de World-o-Meter, ła ze arente dei 588 000 abitanti, par tanto, el ze el paeze indipendente manco popolà de l'Amèrica del Sud. El Surinam el reclama vàrie àree teritoriałi situae pì in-là de łe so frontiere meridionałi co Guyana e ła Guayana Franseza, respetivamente.