Venèsia, antigamente scrivesta in Vèneto cofà Venexia, AFI: [veˈnɛːsja](in italian Venezia, in latin Venetiae, in ingleze Venice) ła ze on comun de 259 736 àneme, caòłogo de ła Sità metropoitana de Venesia e de ła rezion Vèneto. El comun el ciapa rento do sità: ła sità de Venesia, de 79 721 amene co el sentro istorego e łe ìzołe inte ła łaguna, e ła teraferma de ła sità de Mestre de 179 576 àneme. Ła sità de Venesia ła ze ła cavedal de ła Venesia e dei vèneti. El comun el ze el primo de ła rezion par popołasion e superfise.