From Wikipedia, the free encyclopedia
Ajanine kuz' (latin.: Picea jezoensis) om kuz'-heimon puiden erik. Latinine nimituz libub Hokkaidon edeližes Edzo-nimitusespäi.
Kuzen erik om levitadud Edahaižes Päivnouzmas: Sihote-Alin', Sahalin, Kamčatk, kazvab harvemba Amuran agjan mägil, Jakutijan suves i Ohotskan meren päivlaskmaižel randal. Mugažo om levitadud Kitain pohjoižpäivnouzmas i Hokkaido-sarel. Kazvab nepsas venos klimatas, ei edahamb mi 400 km valdmerespäi.
Ei navedi igähižen rougun lähišt olendsijad i sodunuzid mahusid.
Kuz' voib kadoda lujan varhapanendan tagut sättujiš tahondoiš, no täuz' kadond ei grazi, kazvab läbipäzmatomiš sijiš päpaloin.
Eläb 350..400 vot, erasti 500 vodhesai. Seižui pimedust vaste, voib šingotadas vitkos 50..120 vot toižiden puiden al. Avoinuzil sijil nored kuzed mokitas pakaižišpäi. Pun korktuz sase 35..40 m, harvoin 50 metrhasai, tüvi om 100..110 santimetrhasai sankte.
Kron om piramidanvuitte, necen kuzen mecas om pimed da vilukoz i ei ole alamecad paksus. Mi korktemb mägidme, ka kuzed kazdas madalamb da hoikamb. Käbud oleskeldas 20..50-voččes igäspäi, om äi käbuid kerdan koumes..vides vodes. Ned oma oigetud alahaks, 3,5..8 sm pitte.
Pumaterial kävutase mecanümbruradmižes i sauvondas. Ajanine kuz' om kožui mechimižen sarakon täht, kor' om hüvä dubindsubstancii.
Vezan efirvoi (1,5..1,7 %) voib kävutadas parfümerijas.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.