Guptan imperii
From Wikipedia, the free encyclopedia
Guptan imperii (sanskr.: गुप्त gupta, hindi: गुप्त राजवंश gupt raadžavanš «Guptan dinastii») oli valdkund Indijan pohjoižpalas Gupta-dinastijan ohjandusen al. Oli olmas 4.-6. voz'sadoil, korged aig oli vll 319−467, čihozi äjihe valdkundoihe 6. voz'sadan lopus.
Tehtud | 320-nded voded |
Hajenu | 600-nded voded |
Pälidn | Pataliputr |
Pind | 3 500 000 km² |
Kel' | sanskrit (kirjankel' i tedon kel') prakrit (paginkel') |
Ohjanduzform | monarhii |
Pämehen titul | maharadž |
Jäl'gmäine pämez' | Višnugupta |
Dinastii | Gupta |
Religii | induizm buddizm džainizm |
Guptoiden aig oli gollemb mi edeline Kušanan imperii, induizm änikoiči todesižikš möhemba. Valdkundaline ohjanduzkund ei ole mugoi ijerarhine, kut amuižes Maurjiden imperijas (5 mln km²). No kul'turan kanonad jäiba Guptan imperijan aigaspäi indijalaižiden rahvahaližes literaturas, kuvadamižčomamahtos, arhitekturas, filosofijas.
Valdkundan kaiken olendan aigan kulutihe znamasižid varoid alištamha separatizman vezoid. Čandragupta II-maharadžan jäl'gnikad vediba sodoid pohjoižes uzid kalaidajid vaste — eftalitoid (vauktad hunnad). Tegend oli jüged Gupta-dinastijan ezitajiden ičekeskeižiden ridoiden tagut. Guptoiden territorii poleni severzihe-se kerdoihe 6. voz'sadan keskele, nügüdläižen Indijan kaik pohjoine oli okkupiruidud eftalitoil.