![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/72/Trilingual_street_sign_in_Saransk.jpg/640px-Trilingual_street_sign_in_Saransk.jpg&w=640&q=50)
Mokšan kel'
From Wikipedia, the free encyclopedia
Mokšan kel' (ičeze nimituz: мокшень кяль) om suomalaiž-ugrilaine kel', mokšalaižiden kel'.
![Thumb image](http://upload.wikimedia.org/wikipedia/commons/thumb/7/72/Trilingual_street_sign_in_Saransk.jpg/640px-Trilingual_street_sign_in_Saransk.jpg)
![Thumb image](http://upload.wikimedia.org/wikipedia/commons/thumb/8/8a/Moksha-Erzya-Shoksha_dialects_in_Mordovia_map.svg/640px-Moksha-Erzya-Shoksha_dialects_in_Mordovia_map.svg.png)
Mokšan kel' om Mordovijan Tazovaldkundan üks' koumes oficialižes kelespäi. Pagižijoiden lugu — 228 tuhad ristituid (2020). Kelenkandajad elädas Mordovijan keskuzpalas i päivlaskmas, lähižiš i toižiš Volgaveren agjoiš. Lähembaine heimkel' om erzän kel', sen pagižijad ei el'gekoi mokšan kel't fonetikan, vaihišton i grammatikan erindoiden tagut.
Kävutadas kirjkel't kirillican alusel. Mokšan i venän keliden kirjamištod oma ühtejiččed nügüd'aigan.
Nened paginad oma olmas, erištadas niid Mordovijan terrirorijha kacten: keskuzpagin (vai krasnoslobodskan-temnikovan, viž paginoiden gruppad), päivlaskmaine pagin (kaks' paginoiden gruppad), suvipäivnouzmaine pagin. Mugažo päličmänendpagin om olmas (päivlaskmaižen i suvipäivnouzmaižen keskes), i om segoitadud paginoid Mordovijan irdpolel ezikät.