Mustmeri
From Wikipedia, the free encyclopedia
Mustmeri (bolg.: Черно море, gruz.: შავი ზღვა Šavi zgva, rom.: Marea Neagră, turk.: Karadeniz, ukr.: Чорне море, ven.: Чёрное море; amuižgrek.: Εὔξενος Πόντος Euksenos Pontos «adivoičetai meri», grek.: Μαύρη Θάλασσα Maure Falassa, latin.: Pontus Euxinus) om Atlantižen valdmeren basseinan kontinentansüdäimine meri Evropan da Azijan keskes. Pezeb Venäman, Gruzijan, Turkanman, Bolgarijan, Romanijan da Ukrainan territorijad.
Pind om 422 000 km². Randanpird om 3400 km pitte. Ühtenzoitase Keskmeren Egeiženke merenke Bosfor-sal'men, Mramorižen meren i Dardanellad-sal'men kal't, mugažo Azovmerenke Kerčin sal'men kal't. Meri om znamasine transportine rajon. Basseinan pind om enamba mi 2 mln km².
Meren veden mülü om 555 tuhad km³. Mustmeri om 2210 metrad süvütte, keskmäine süvüz om 1240 m. Znamasižed langenijad joged: Dnepr, Dnestr, Dunai. Vedhuden kontinentaspäi nell' videndest tuleb meren lodeheze.