From Wikipedia, the free encyclopedia
Olhav vai Olhavanjogi (ven.: Волхов, suom.: Olhavanjoki / Olhava) om jogi Venäman Evropan palan lodehes, Uz'lidnan da Leningradan agjoiš.
Piduz om läz 224 kilometrad. Basseinan pind — 80 200 km² (61% — Uz'lidnan agj, 21% — Pskovan agj, 10% — Tverin agj i 8% Leningradan agj). Keskmäine veden valu suhištos — 593 m³/s. Jädub kül'mkun lopuspäi sulakun aughusai.
Znamasižed ližajoged (mödvedhe): oiktad — Višer, Pčouž, Oskui; hurad — Kerest', Tigod.
Lidnad jogen randoil (mödvedhe): Sur' Uz'lidn, Kiriši, Volhov, Uz' Ladog. Čudovo sijadase Kerest'-ližajogel.
Olhav om üks'jäine läksii Il'mjärvespäi jogi, augotase Sures Uz'lidnas 18,1 m ü.m.t. korktusel. Jokseb Il'mjärveveren alangišton kal't i lankteb Ladogha läz Uz' Ladog-lidnad 5,1 m ü.m.t. korktusel.
Jogi sättub laivoiden ujumaha kaikiš pidustoiš. Olhav voib seišta vai joksta tagaz severz'-se päiväd sättujiš arvoimižiš: madal tazopind Il'mjärves i sur'vezi ližajogiden tahondoiš.
Volhovan GES om saudud alajoksmuses. Jogi kävutase erazvuiččiden laivoiden likundan täht. Kalan äi erikod eläb joges, ka se om kalanikoiden joudan sijaduz.
Olhav Vikiaitas |
Nece kirjutuz om vaiše ezitegez. Tö voit abutada meile, ku kohendat sidä da ližadat sihe. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.