Avdijan kirj

Avdijan kirj (evr.: עֹבַדְיָה Ovadja vai Obadija, grek.: Ἀβδιοὺ, latin.: Abdiae, ven.: Книга Авдия) om evrejan Tanahan kirj Neviim-jagusespäi (Endustajad) i hristanuskondan 31. Vanhan Zavetan kirj.

Avdijan endustuz — kuva Biblijan endevanhas pästandaspäi

Säduz om kirjutadud Avdii-endustajal 6. voz'sadal EME vai sen aigemba.

Kirj om Vanhan Zavetan kaikiš lühüdamb, kogoneb ühtes jagusespäi (21 runod). Endustajan nimi kändase «Ülähäižen radnikoičii». Ümbrikirjutase mi näguihe Avdijale, nimiččid detalid endustajan elos ei ole.

Starinoičend

• Runod 1−10 endustadas Edoman kadotandad.
• Runod 10−14 sel'gitadas, min tagut se ustavzoitand om käsktud: Edom ühtni sodaha Izrailid vaste sen vihanikoiden poles kacmata sihe azjaha, miše car'kundoiden molembad rahvahad oliba ühtel augotižlibundal — Isavan i Iakovan jäl'ghetulijad.
• Runod 15−21 kuvatas Izrailin udessündutandad i Edoman ustavzoitandad.