Ueils Džimmi

Džimmi Donal Ueils (angl.: Jimmy Donal Wales, nikneim — Džimbo (angl.: Jimbo); sünd. 7. eloku 1966, Hantsvill (Alabam), AÜV) om amerikaine edheotai.

Ueils Džimmi
angl.: Jimmy Donal Wales
Džimmi Ueils vn 2011 kül'mkus
nimi sündundan jäl'ghe:	angl.: Jimmy Donal Wales
radmižen toižend:	äriinimene, blogger, edheotai, vikimedist, informaatik, teadlane, oraator, kaupmees
sündundan dat:	7. eloku 1966(1966-08-07)[1][2][3][4] (58 vot)
sündundan sijaduz:	Huntsville[d], Alabam[d], Amerikan Ühtenzoittud Valdkundad[5]
valdkund:	Amerikan Ühtenzoittud Valdkundad  Sur' Britanii[6]
avtograf:
sait:	jimmywales.com
Ueils Džimmi VikiAitas

Mez' om Vikipedijan alusenpanii, Vikimedii-fondan ezimez' (2003−2006 i vspäi 2011). Viki-koncepcijan ideolog, siš kaikutte saitan kävutai voib koheta i ližata südäiolendad. Vl 2019 sai Suren Britanijan rahvahanikust hätkeližen radon tagut sen ohjastusen organas.

Biografii

Džimmi om sündnu radnikoičijoiden kanzha. Hänen Džimmi Ueils-tat radoi menedžeraks söndtavaroiden laukas, Doris-mam pidi pen't privatišt House of Learning-školad. Ueils-poig openui siš, hänele tuli mel'he lugeta enciklopedijoid enamba kaiked.

Džimmi lopi vaumičendkolledžad i sai opendust Obernan universitetas, pästtihe bakalavran arvonke. Möhemba mez' openui Alabaman universitetas, radoi opendajan siš i Indianan universitetas. Vl 1994 Ueils sirdi Čikagoho, i vhesai 2000 radoi Chicago Options Associates-kompanijas, siš torgui arvbumagoil i sai znamasižid rahoid.