Elgav

Elgav (latv.: Jelgava [jælɡava], saks.: Mitau, ven.: Елгава / Митава, litv.: Mintauja) om lidn (vspäi 1573) da raudtesol'm Latvijan suves. Se om lidn tazovaldkundan alištusenke, mugažo om Elgavan randan administrativižeks keskuseks, ei mülü sihe.

Elgav
Jelgava

Lidnanznam	Flag
Valdkund	Latvii
Eläjiden lugu (2024)	54,701 ristitud
Pind	60,56 km²
Pämez'	Andris Ravin'š (keväz'ku 2001—, Andris Rāviņš)
Telefonkod	+371−630
Aigvö	tal'vel UTC+2, kezal UTC+3

Lidnan sijaduz randas i valdkundas (2022)

Istorii

Eländpunkt om tetab vspäi 1226. Livonan ordenan lidnusen aluz om pandud vl 1265 kuti Mitav (saks.: Mitau). Vl 1573 ezmäižen lüteranižen pühäpertin sauvuz tuli lophu, i žilo sai lidnan oiktusid. Vozil 1578−1795 Elgav oli Kurländijan gercogkundan pälidnaks, möhemba vll 1796−1920 — Kurländijan gubernijan administrativižeks keskuseks. Jelgav-raudtestancii radab vspäi 1868.

Elgav šingotase sömtegimištol, metallan i mecan ümbriradmižel, transportsol'meks, meblin edheotand radab.

Geografijan andmused

Lidn sijadase Lielupe-jogen randoil, Zemgalijan alangišton suves, 13 m ü.m.t. keskmäižel korktusel. Elgavan alapala om 3,5 m ü.m.t. korktusel i alištub sur'vezile. Matkad Righasai om 42 km pohjoižpäivnouzmha. Kuz' raudtejonod ühtištadas lidnas i Jelgavan il'mbaz radab, sen tagut lidn om znamasižeks transportsol'meks.

Lidnan pind om 60,56 nellikkilometrad, sišpäi kuivma otab 57,66 km², vezi 2,9 km².

Eläjad

Vl 2013 lidnan eläjiden lugu oli 62 800 ristituid. Kaik 61 308 eläjad oli lidnas vl 2017. Kaikiš suremb lidnan ristitišt oli 74 105 eläjad vl 1989.

Rahvahad (2015): latvijalaižed — 59,3 %, venänikad — 26,6 %, vaugedvenälaižed — 5,5 %, ukrainalaižed — 2,4 %, pol'šanmalaižed — 1,9%, litvalaižed — 1,4 %, čiganalaižed — 0,8 %, toižed rahvahad — 2,1 %.

Latvijan maižanduseline universitet sijadase lidnas (seičeme tuhad üläopenikoid). Professionaližen keskopendusen koume profškolad ratas: muzikan škol i radonmahtoiden kaks' školad.

Sport

• FK Jelgava

Galerei

• 
  Lidnan Duman pert' (2015)
• 
  Riman katoline Jumalanmaman päjumalanpert', vn 2018 nägu
• 
  Raudten i jogen nägu vl 2008
• 
  Jelgavan pert'kulu (2021)
• 
  Jelgav-päraudtestancii vl 2017

Irdkosketused

• Lidnan oficialine portal (jelgava.lv). (latv.) (angl.) (ven.)