Fareran Sared

Fareran Sared (far.: Føroyar, dan.: Færøerne) om rippui territorii Evropas, Skandinavii-regionas. Om Danijan avtonomižeks provincijaks. Pälidn om Torshavn.

Fareran Sared
Føroyar (far.)
Færøerne (dan.)

Flag	Valdkundznam
Pälidn	Torshavn
Eläjiden lugu (2022)	53,653 ristitud
Pind	1,399 km²
Kel'	fareran, danijan
Valdkundan pämez'	Frederik X
Päministr	Aksel V. Johannesen
Religii	hristanuskond
Valüt	fareran kron (de fakto), danijan kron
Internet-domen	.fo
Telefonkod	+298
Aigvö	UTC+0

Fareran Sariden nägu kosmosaspäi

Geografijan andmused

Fareran Sariden pind om 1399 km². Territorii om kahesantoštkümnen päižen saren südäimes. Sared sijadasoiš Šotlandijan Šetlandan sariden (Sur' Britanii) i Islandijan keskes, Atlantižen valdmeren pohjoižes.

Sariden klimat om ven meren, keza om viluhk. Heinkun keskmäine lämuz om +11..+17 C°, vilukun 0..+4 C°. Paneb sadegid 1600..2000 mm i 280 päiväd vodes, vihmoiden nägul päpaloin, enamba sügüz'kus-vilukus, sumeged oma paksud. Gol'fstrim-joksmusen Pohjoižatlantine sarak tob lämäd saridennoks, i meriveden lämuz sarištos ümbri om läz +10 C° vodes läbi.

Tobmuz

Fareran Sared om parlamentine demokratine ma, ičeohjandusenke vspäi 1948. Sen pämez' om danine Frederik X-kunigaz vn 2024 vilukuspäi. Päministr om Aksel V. Johannesen vn 2022 tal'vkuspäi (oli sil-žo radnikusel vll 2015−2019), päkomissar — Lene Mojell' Johansen vn 2017 semendkuspäi.

Eläjad

Vl 2011 territorijan eläjiden lugu oli 48 447 ristitud. Kaikiš suremb ristitišt om nügüd'.

Rahvahad (enamba 0,3 % vl 2011): fareralaižed — 90,8 %, danijalaižed — 3,1 %, islandijalaižed — 0,4 %, anglijalaižed — 0,3 %, toižed rahvahad — 5,4 %.

Uskojiden kaikiš enamba levitadud religii om lüteranižuz.