Joucned

Joucned (latin.: Cygnus) om kezalinduiden heim. Mülüb Sorziden sugukundha.

? Joucned
Joucen
Tedoklassifikacii
Valdkund: Živatad Tip: Sel'gjäntkeižed (Chordata) Klass: Lindud (Aves) Heimkund: Hanhenvuiččed (Anseriformes) Sugukund: Sorzanvuiččed (Anatidae) Heim: Joucned
Latinankel'ne nimi
Cygnus (Bechstein, 1803)
Sistematik Vikierikoiš Kuvad Vikiaitas ITIS 174984 NCBI 8867

Ümbrikirjutand

Pit'k kagl i suremb veduz erištab joucnid. Suugiden maihutuzkeskust sase 2,8 metrhasai, veduz voib olda enamba 15 kg. Käpšud oma lühüdad. Höunhišt oleleb puhtaz vauged, hahk vai must.

Kazvatadas poigaižid kanzal 1..2 vot. Joucnen verend oleskeleb kahtišti vodes: täuz' kezal i palah'ne sügüz'tal'vel. Täuz' kezaline verend zavodiše maihutuzsuugiden vajehtamižespäi i mäneb vitkos. Höunhišton verend augotase noril linduil, konz hö sasoiš täuz'kaznuziden pol't suruden mödhe.

Söte

Lindunpoigaižed sötlesoiš erazvuiččil vezimadoil, sadas niid kendäkonno i madalas vedes, mugažo kazmuzsömäl penes märas. Täuz'kaznuded lindud södas penid veziživatoid i vezikazmusid. Lindud lasktas kaglad madalha vedhe i kaivatas nimas hätken, tehtas kehkrad kopad 80 sanimetrhasai sen aigan samha vezikazmusiden jurid da norid vezoid. Kerdalaz tabatas henoid veziživatoid pohjanno i nimas.

Joucniden sötlend oleskeleb homendesil da ehtoil tobjimalaz.

Erikod

Kaik kuz' eläbad erikod om heimos:

• Cygnus atratus — Must joucen
• Cygnus melanocoryphus — Mustkaglaine joucen
• Cygnus olor
• Cygnus buccinator
• Cygnus columbianus — Amerikaine joucen
  • Cygnus columbianus bewickii
• Cygnus cygnus (tipine erik)

Mugažo löutihe kümne kadonut kividunut erikod.