Lehmuz

Lehmuz, mugažo nin'pu paginoidme (latin.: Tilia), om Mal'vižed-sugukundan lehtezpuiden heim. Mülütab läz 30 erikod i enamba sadad niiden gibridoid.

? Lehmuz
Hobedakaz lehmuz (Tilia tomentosa) kundaližes «Morton Arboretum»-sadus heinkul, Čikagon ezilidn (Illinois, AÜV)
Tedoklassifikacii
Valdkund: Kazmused Palakund: Änikkazmused (Magnoliophyta) Klass: Kaksidülehtesižed (Dicotyledones) Kund: Mal'vänikoižed (Malvales) Sugukund: Mal'vižed (Malvaceae) Heim: Lehmuz
Latinankel'ne nimi
Tília L., 1753
Sistematik Vikierikoiš Kuvad Vikiaitas ITIS 21535 NCBI 64580

Leviganduz

Kazvab Pohjoižen mapoliškon venos i subtropižes vöiš. Erikoiden erazvuiččend om olmas Kitaiš (15 erikod-endemikad) i Suvipäivlaskmaižes Azijas.

Ümbrikirjutand

Lehmusen tüvi oleskeleb kaks' metrad diametral. Eläb 500 vodhesai. Navedib kazvatelišt mad, no voib kazda toižil-ki mahusil.

Änikoičeb kezakus-heinkus. Äikerdoičese semnil i vegetativižikš kebnas.

Kävutand

Kazvatadas dekorativižeks kazmuseks. Kävutadas pehmdaks pumaterialaks. Venäman äjad lehmuzsared kadoihe ninen avaron otandan tagut tehmaha virzuid, levitesid da havadoid.

Znamasine medenkandai kazmuz, lehmusen gektar voib antta üht tonnad spravitajad met.

Valitud erikod

Heimon tipine erik om Tilia × europaea-gibrid L. — Evropalaine (järgeline) lehmuz

• Tilia americana — Amerikalaine lehmuz
• Tilia amurensis — Amuran lehmuz
• Tilia mandshurica — Mančžurine lehmuz
• Tilia nobilis — Hüväsuguine lehmuz
• Tilia sibirica — Sibirine lehmuz